ప్రధాన ఎన్నికల అధికారి(సీఈసీ) జ్ఞానేశ్కుమార్ను తొలగించాలని ప్రభుత్వ విప్, ఆలేరు ఎమ్మెల్యే బీర్ల అయిలయ్య డిమాండ్ చేశారు. ఆదివారం ఆయన మీడియాతో మాట్లాడారు. కేంద్ర ఎన్నికల సంఘం కమిషనర్లు లేవనెత్తిన అభ్యంతరాలను పరిగణలోకి తీసుకోకుండా జ్ఞానేశ్కుమార్ ఏకపక్షంగా నిర్ణయాలు తీసుకుంటున్నారని, దీంతో అర్హులైన ఓటర్లు తమ హక్కు కోల్పోతున్నారని ఆందోళన వ్యక్తం చేశారు.
అక్షర దోషాలను కూడా సరిదిద్దుకోకుండా నోటీసులు పంపించడమేమిటని ఆగ్రహం వ్యక్తం చేశారు. సీఈసీని తొలగించాలని డిమాండ్ చేస్తూ యాదాద్రి కలెక్టరేట్ వద్ద సోమవారం ఆందోళన నిర్వహిస్తామని ఆయన ప్రకటించారు.
