కేంద్ర ప్రభుత్వరంగ బ్యాంక్ అయిన సెంట్రల్ బ్యాంక్ ఆఫ్ ఇండియా (సీబీఐ) ఫారిన్ ఎక్స్ఛేంజ్ ఆఫీసర్, మార్కెటింగ్ ఆఫీసర్ పోస్టుల భర్తీకి నోటిఫికేషన్ విడుదల చేసింది. ఆసక్తి, అర్హత గల అభ్యర్థులు ఆన్లైన్లో అప్లై చేసుకోవచ్చు. అప్లికేషన్ సమర్పించడానికి చివరి తేదీ ఫిబ్రవరి 03.
- ఖాళీలు: 350.
- విభాగాల వారీగా ఖాళీలు: ఫారెన్ ఎక్స్ఛేంజ్ ఆఫీసర్– III 50, మార్కెటింగ్ ఆఫీసర్– I 300.
- ఎలిజిబిలిటీ: గుర్తింపు పొందిన యూనివర్సిటీ నుంచి ఏదైనా గ్రాడ్యుయేషన్ పూర్తిచేసి ఉండాలి. సంబంధిత విభాగంలో సీఎఫ్ఏ/ సీఏ/ ఎంబీఏ సర్టిఫికెట్ కలిగి ఉన్నవారికి ప్రాధాన్యం ఇస్తారు. ఐఐబీఎఫ్ నుంచి ఫారిన్ ఎక్స్ఛేంజ్ ఆపరేషన్స్లో సర్టిఫికెట్ తప్పనిసరి కలిగి ఉండాలి. పని అనుభవం తప్పనిసరి.
- గరిష్ట వయోపరిమితి: 35 ఏండ్లు. కేంద్ర ప్రభుత్వ నిబంధనల ప్రకారం రిజర్వ్డ్ వర్గాలకు వయోపరిమితిలో సడలింపు ఉంటుంది.
- అప్లికేషన్: ఆన్లైన్ ద్వారా.
- అప్లికేషన్ ప్రారంభం: జనవరి 20.
- అప్లికేషన్ ఫీజు: ఎస్సీ, ఎస్టీ, పీడబ్ల్యూబీడీ, మహిళా అభ్యర్థులకు రూ.175. ఇతరులకు రూ.850.
- లాస్ట్ డేట్: ఫిబ్రవరి 03.
- పూర్తి వివరాలకు centralbankofindia.bank.in వెబ్సైట్ను సందర్శించండి.
- సెలెక్షన్ ప్రాసెస్
- రాత పరీక్ష, ఇంటర్వ్యూ ఆధారంగా అభ్యర్థులను ఎంపిక చేస్తారు. ఆన్లైన్ ఎగ్జామ్ 100 మార్కులకు, పర్సనల్ ఇంటర్వ్యూ 100 మార్కులకు ఉంటుంది. ఆన్లైన్ ఎగ్జామ్లో సంబంధిత స్ట్రీమ్ నుంచి 70 ప్రశ్నలు 70 మార్కులకు, బ్యాంకింగ్, ఎకనామిక్స్, జనరల్ అవేర్నెస్ నుంచి 30 ప్రశ్నలు 30 మార్కులకు ఎగ్జామ్ అడుగుతారు. ఎలాంటి నెగెటివ్ మార్కులు లేవు.
- కనీస అర్హత మార్కులు: జనరల్, ఈడబ్ల్యూఎస్ 50 శాతం, ఎస్సీ, ఎస్టీ, పీడబ్ల్యూబీడీ, ఓబీసీలు 45 శాతం మార్కులు సాధించాల్సి ఉంటుంది.
- వెయిటేజీ: రాత పరీక్షకు 70 శాతం, ఇంటర్వ్యూకు 30 శాతం వెయిటేజీ ఉంటుంది.
