- ఆటోల్లో వచ్చిన బీఆర్ఎస్ నేతల తీరుపై ఎమ్మెల్యే వివేక్ వెంకటస్వామి
హైదరాబాద్, వెలుగు: ‘‘బీఆర్ఎస్ నేతలకు ఇప్పటికైనా సోయి వచ్చింది. కారు దిగి.. సామాన్యులు ఎక్కే ఆటోల్లో రావడం సంతోషం”అని చెన్నూరు ఎమ్మెల్యే వివేక్ వెంకటస్వామి అన్నారు. అసెంబ్లీకి ఆటోల్లో వచ్చిన బీఆర్ఎస్ ఎమ్మెల్యేలు, ఎమ్మెల్సీల తీరుపై ఆయన ఘాటుగా స్పందించారు. బీఆర్ఎస్ ప్రజాప్రతినిధులు అసెంబ్లీకి ఎంటర్ అవుతున్న సమయంలోనే వివేక్ వెంకటస్వామి హౌస్కు అటెండ్ అయ్యేందుకు వచ్చారు.
ఈ సందర్భంగా మీడియా ఆయనను పలకరించగా.. బీఆర్ఎస్ నేతలు ఆటోవాళ్లను రెచ్చగొడుతూ రాజకీయ ప్రయోజనం పొందాలని విఫలయత్నం చేస్తున్నారని విమర్శించారు. ఫ్రీ బస్సులకు మహిళల నుంచి మంచి స్పందన వస్తోందని, వారు సంతోషంగా ఉన్నారని వివేక్ అన్నారు.
