హైదరాబాద్, వెలుగు: సిటీ రోడ్లను అడ్డగోలుగా తవ్వేస్తున్నారు. వాటర్ బోర్డు పైప్లైన్ పనులు, డ్రైనేజీ, కేబుల్స్ పనులంటూ రోడ్లను తవ్వి పనులు పూర్తయ్యాక మళ్లీ వేయడం లేదు. కొన్నిచోట్ల మట్టిపోసి వెళ్తుండగా, మరికొన్ని ఏరియాల్లో అలాగే వదిలేస్తుండటంతో వాహనదారులు, స్థానికులు ఇబ్బందులు పడుతున్నారు. కొన్నిచోట్ల ట్రాఫిక్జామ్ ఏర్పడుతోంది.
రాత్రికి రాత్రే పనులు చేపట్టి..
నెల రోజులుగా గ్రేటర్ పరిధిలో వివిధ పనుల కోసం రోడ్ల తవ్వకాలు పెద్దఎత్తున జరుగుతున్నాయి. వానాకాలంలో ఎలాంటి తవ్వకాలకు అనుమతి లేకపోవడంతో ఇప్పుడు మొదలుపెడుతున్నారు. అయితే, రోడ్లను తవ్వాలంటే బల్దియా నుంచి తప్పనిసరిగా ఎన్వోసీ(నాన్ అబ్జెక్షన్ సర్టిఫికెట్) తీసుకోవాల్సి ఉంటుంది. కానీ చాలా వాటికి అనుమతి తీసుకోవడం లేదు. కొన్నిచోట్ల రాత్రికి రాత్రే తవ్వి పనులు చేసి వదిలేస్తున్నారు. దీంతో ఆ రోడ్లపై వెళ్లే వాహనదారులు ఇబ్బంది పడుతున్నారు. వెహికల్స్స్లోగా వెళుతుండటంతో ట్రాఫిక్ జామ్అవుతోంది. యాక్సిడెంట్లు కూడా జరుగుతున్నాయని స్థానికులు చెబుతున్నారు.స ర్వీసు ఎక్కువగా ఉంటుందని కొన్ని ప్రాంతాల్లో జీహెచ్ఎంసీ వేసిన వైట్ ట్యాపింగ్ రోడ్లను కూడా పాడు చేస్తున్నారు. ఐదేండ్ల పాటు ఈ రోడ్లను తవ్వకుండా ఉండేలా అన్ని చర్యలు తీసుకోవాల్సి ఉంది. కానీ రూల్స్ బ్రేక్ చేసి తవ్వి, పూర్తయ్యాక తిరిగి వేయడం లేదు. ఎన్ వోసీల విషయంలో బల్దియా అధికారులు లైట్తీసుకుంటున్నట్లు తెలుస్తోంది.
2 వేల కి.మీ. మేర రోడ్ల డ్యామేజ్..
ఏదో ఒక పని పేరుతో కాలనీల్లోని రోడ్లను కాంట్రాక్టర్లు తవ్వుతూనే ఉన్నారు. ఖైరతాబాద్, చార్మినార్, శేరిలింగంపల్లి జోన్ల పరిధిలో రోడ్లు తవ్వేసి రోజులు గడిచినా రిపేర్లు చేయడం లేదు. గ్రేటర్లో 6,167 కి.మీ. మేర అంతర్గత సీసీ రోడ్లు ఉండగా.. ప్రస్తుతం ఇవి దారుణంగా ఉన్నాయి. దాదాపు 2 వేల కి.మీ. మేర డ్యామేజ్అయ్యాయి. ఇష్టారీతిన తవ్వుతుండటంతో మరింత ప్రమాదకరంగా మారాయి. స్థానిక రోడ్ల ఇబ్బందులపై బల్దియా అధికారులకు ఫిర్యాదు చేసినా చర్యలు తీసుకోవడం లేదని జనం మండిపడుతున్నారు. చందానగర్, ఉప్పల్, హఫీజ్పేట, మల్కాజిగిరి, టోలిచౌకి, మెహిదీపట్నం, మాదాపూర్, ఎల్బీనగర్, వనస్థలిపురం, మన్సూరాబాద్ తదితర ప్రాంతాల్లోనూ ఇదే పరిస్థితి నెలకొంది.
బిల్లులను ఆపే అధికారం ఉన్నా..
రోడ్లు తవ్వి పనులు పూర్తయిన తర్వాత తిరిగి రోడ్లు వేసే బాధ్యత సదరు కాంట్రాక్టర్పైనే ఉంటుంది. ఒకవేళ రోడ్లు వేయకపోతే ఆ పనికి సంబంధించి బిల్లులు ఆపే అధికారం ఆయా డిపార్ట్మెంట్లకు ఉంటుంది. కానీ ఈ విషయాన్ని అధికారులు పట్టించుకోవడం లేదు. ఇదే అదనుగా భావించి కాంట్రాక్టర్లు రోడ్లు బాగు చేయకుండానే వదిలేస్తున్నారు. చాలా పనులకు ఎన్వోసీలు తీసుకోకుండా రాత్రికి రాత్రే పూర్తిచేసి వదిలేస్తున్నారు. కొన్ని పనుల విషయం జీహెచ్ఎంసీ ఏఈలు, ఈఈలకు కూడా తెలియడం లేదు.
మళ్లీ మొదలైంది
వానాకాలం కారణంగా నెల కిందటి వరకు ఏ పనులు జరగనప్పటికీ, ఇప్పుడు ఇష్టమొచ్చినట్లుగా రోడ్లు తవ్వుతున్నారు. ఏదో ఒక పని పేరుతో తవ్వుతూ తిరిగి రోడ్లు వేయడం లేదు. ఆ గుంతల్లో మట్టి పోసి వదిలేస్తున్నారు. దీంతో రోడ్లు మొత్తం డ్యామేజ్ అవుతునాయి. ట్రాఫిక్ జామ్ ఏర్పడుతోంది.
- శ్రీనివాస్, ఫుడ్ డెలివరీ బాయ్
