- నా డ్యూటీ, ఎమ్మెల్యే భూపాల్ డ్యూటీ ఇంకా అయిపోలే
- నకిరేకల్ నియోజకవర్గం పైనా ప్రత్యేక దృష్టి పెడ్తా
- కోమటిరెడ్డి డబ్బు మదంతో మాట్లాడుతున్నడు
- బ్రహ్మణ వెల్లంల, పిలాయిపల్లి, ధర్మారెడ్డి కాల్వలు కంప్లీట్ చేసినం
- కరోనా వల్ల నల్గొండ అభివృద్ధి ఏడాది ఆలస్యమైంది
- భూపాల్ను, చిరుమర్తిని మళ్లీ గెలిపిస్తే అభివృద్ధి అంటే ఏంటో చూపిస్తాం
- ప్రజా ఆశ్వీరాధ సభలో సీఎం కేసీఆర్
నల్గొండ /నకిరేకల్ వెలుగు : ‘నల్గొండ పట్టణం నగరం రూపు కనిపిస్తోంది. ఒక్క రూపాయికే నల్లా కనె క్షన్ ఇచ్చి ప్రతి పేదవాడికి నీళ్లు ఇస్తున్నం. నల్గొండ నియోజకవర్గం నా దత్తతలోనే ఉంది. నా డ్యూటీ, భూపాల్ డ్యూటీ ఇంకా అయిపోలే. మీరు చూసిన దానికంటే ఇంకా ఎన్నో రెట్లు మేం చేసి చూపించాల్సి ఉంది’. అని సీఎం కేసీఆర్ అన్నారు. సోమవారం నల్గొండ, నకిరేకల్ ప్రజా ఆశ్వీరాద సభలో ఆయన మాట్లాడారు.
2018 ఎన్నికల్లో నల్గొండను దత్తత తీసుకొని అభివృద్ధి చేస్తానన్నానని, అయితే కరోనాతో ఏడాది ఆలస్యం జరిగిందన్నారు. ఆ తర్వాత పనులు మొదలు పెట్టామని, ఈ రోజు నల్గొండ పట్టణం ఎట్లా తయారైందో ప్రజల కళ్ల ముందే కనిపిస్తుందన్నారు. ఎమ్మెల్యే భూపాల్ రెడ్డి పట్టుబట్టి తనను, కేటీఆర్‌‌‌‌‌‌‌‌ను తీసుకొచ్చి రూ.14 00 కోట్లు శాంక్షన్ చేయించాడని చెప్పారు. నల్గొండకు ఇప్పటికే ఐటీ టవర్ రావడంతో 15 వందల మంది ఉద్యోగాలు దొరుకుతున్నాయని వివరించారు.
ఇంతకుముందు రెండు దశాబ్ధాలు ఎమ్మెల్యేగా ఉన్న కోమటిరెడ్డి వెంకట రెడ్డి టైంలో నల్గొండ పట్టణం ఎట్లా ఉండే? మంచినీళ్లు, కరెంట్ఎట్లుండేదని ప్రశ్నించారు. వట్టిగా అడ్డం పొడువు మాట్లాడుడుకాదని సీఎం ఆగ్రహం వ్యక్తం చేశారు. ప్రజలు ఆలోచన చేసి ఓటు వేయాలని కోరారు.
కాంగ్రెస్ పాలనలో ఒక్క మెడికల్కాలేజీ లేదు
50 ఏళ్ల కాంగ్రెస్ పాలనలో పాత నల్గొండ జిల్లాకు ఒక్క మెడికల్కాలేజీ రాలేదని, బీఆర్‌‌‌‌‌‌‌‌ఎస్‌ హయాంలో మూడు మెడికల్ కాలేజీలు వచ్చాయని సీఎం చెప్పారు. నల్గొండలో 5,6 వందల బెడ్లతో సూపర్ స్పెషాలిటీ వచ్చిందని, బ్రహ్మణ వెల్లంల, ఉదయ సముద్రం ప్రాజెక్టులు కంప్లీట్ చేసుకోగలిగామన్నారు. గతంలో నల్గొండలో తిరిగితే లక్షల ఎకరాల్లో ఆముదం పంటలు కనిపించేవని, ఇప్పుడు కనగల్, తిప్పర్తి, నల్గొండ రూరల్ మండలాల్లో పచ్చని పంటలు పండుతున్నాయని చెప్పారు.
నల్గొండలో గత పదే ళ్లలో ఎక్కడా అవాంఛనీయ సంఘటనలు జరగలేదని, కులం, మతం తేడా లేకుండా అభివృద్ధి చేశామని చెప్పారు. జడ్పీ చైర్మన్ బండా నరేందర్రెడ్డి, ఎమ్మెల్సీలు తక్కెళ్లపల్లి రవీందర్రావు, ఎంసీ కోటిరెడ్డి డాక్టర్ చెరుకు సుధాకర్, మున్సిపల్ చైర్మన్ మందడి సైదిరెడ్డి తదితరులు పాల్గొన్నారు.
నర్రా రాఘవరెడ్డి పేరు నిలబెట్టండి
‘వట్టి కోట ఆళ్వార్‌‌‌‌స్వామి పుట్టిన జిల్లా ఇది. నర్రా రాఘవరెడ్డి ఉద్యమాలు చేసిన గడ్డ. బాగా చైతన్యం ఉండే ప్రాంతం. ఆనాడు రాఘవరెడ్డి అసెం బ్లీలో కరెంట్కోతలతో ఎండిన వరి కంకులు చూపించేవారు. కమ్యూనిస్టు సోదరులకు చెబుతున్నా. ఈ ఎన్నికల్లో చిరుమర్తి లింగయ్యకు మద్దతు ఇవ్వాలి’ అని సీఎం నకిరేకల్ సభలో కోరారు.
ధర్మారెడ్డి కాలువ, పిలాయిపల్లి, బీవెల్లంల ప్రాజె క్టు ట్రయల్రన్ పూర్తయ్యిందని, వచ్చే ఐదారు మాసాల్లో నీళ్లు తెప్పించే బాధ్యత తనేదనని హామీ ఇచ్చారు. కాలేశ్వరం లింక్‌‌‌‌చేసి భువనగిరి దగ్గర ఉ న్నబస్వాపుర్‌‌‌‌రిజర్వాయర్ నుంచి మన రామన్నపేట మండలానికి నీళ్లు ఇస్తామని మాటిచ్చారు.
