డిసెంబర్ లో జిల్లాలకు సీఎం రేవంత్ ..మక్తల్ టూ దేవరకొండ.. ఆరు రోజుల యాక్షన్ ప్లాన్ రెడీ

• ప్రజాపాలన రెండేండ్లు పూర్తవుతున్న సందర్భంగా ‘సక్సెస్ టూర్’ 
• డిసెంబర్ 1 నుంచి 6 వరకు పర్యటనలు
• పట్టణాల్లో అభివృద్ధి పనులకు శంకుస్థాపనలు, ప్రారంభోత్సవాలు

హైదరాబాద్, వెలుగు: ప్రజా పాలన రెండేండ్లు పూర్తి చేసుకున్న సందర్భంగా సీఎం రేవంత్​ రెడ్డి వచ్చే నెల మొదటి వారంలో పలు జిల్లాల్లో పర్యటించనున్నారు. ఈ సందర్భంగా పలు అభివృద్ధి పనులకు శంకుస్థాపన,  ప్రారంభోత్సవాలు చేయడంతోపాటు సంక్షేమ పథకాల అమలును క్షేత్రస్థాయిలో పరిశీలించనున్నారు. ముఖ్యంగా డిసెంబర్ 8, 9 తేదీల్లో జరగనున్న ప్రతిష్టాత్మక ‘గ్లోబల్ సమిట్’కు ముందే, రాష్ట్ర ప్రభుత్వంపై ప్రజలకున్న సానుకూలతను చాటిచెప్పేలా సీఎం పర్యటన కొనసాగనుంది. భారీ బహిరంగ సభలు నిర్వహించి, లబ్ధిదారులతో నేరుగా మాట్లాడేం దుకు ఏర్పాట్లు చేస్తున్నారు. అయితే, ప్రస్తుతం రాష్ట్రం లో పంచాయతీ ఎన్నికల కోడ్ అమల్లో ఉండటంతో, గ్రామీణ ప్రాంతాల్లో పర్యటించేందుకు నిబంధనలు అంగీకరించవు. ఈ నేపథ్యంలో కోడ్ ప్రభావం లేని మున్సిపాలిటీలు, కార్పొరేషన్లు, పట్టణ కేంద్రాలను వేదికగా చేసుకుని ప్రభుత్వ విజయాలను వివరించేందుకు సిద్ధమయ్యారు.  

డిసెంబర్ 1 నుంచి 6 వరకు పర్యటనలు

డిసెంబర్ 1న ఉమ్మడి మహబూబ్​నగర్ జిల్లా మక్తల్ మున్సిపాలిటీ పరిధి నుంచి సీఎం పర్యటన ప్రారంభం కానుంది. అక్కడ ‘యంగ్ ఇండియా ఇంటిగ్రేటెడ్ రెసిడెన్షియల్ స్కూల్’కు భూమి పూజ చేయనున్నారు. 2న కొత్తగూడెంలో పర్యటించి, అక్కడ ‘డాక్టర్ మన్మోహన్ సింగ్ ఎర్త్ సైన్సెస్ యూనివర్సిటీ’ని ప్రారంభించ నున్నారు. విద్యా రంగానికి పెద్దపీట వేస్తున్నామనే సంకేతాలిస్తూనే, గిరిజన జిల్లాలోని పట్టణ వాసుల సమస్యలపై సమీక్షించనున్నారు. 3న సిద్దిపేట జిల్లా హుస్నాబాద్​లో సీఎం పర్యటన ఉంటుంది. కొత్త ఇంజనీరింగ్ కళాశాల  భవనాలకు, హెచ్ఏఎం పద్ధ తిలో నిర్మించనున్న రోడ్లకు శంకుస్థాపనలు, పలు ప్రారంభోత్సవాలు చేస్తారు.

 4న ఆదిలాబాద్​లో, 5న వరంగల్ జిల్లా నర్సంపేట టౌన్‌‌‌‌‌‌‌‌లో సీఎం పర్యటన ఉంటుంది. ఓరుగల్లు అభివృద్ధికి సంబంధించిన పెండింగ్ ప్రాజెక్టులు, పట్టణంలో డ్రైనేజీ వ్యవస్థ, టెక్స్‌‌‌‌‌‌‌‌టైల్ పార్క్ అనుబంధ అంశాలపై స్పష్టత ఇవ్వనున్నారు. చివరిగా డిసెంబర్ 6న నల్గొండ జిల్లా దేవరకొండ మున్సిపాలిటీలో సీఎం పర్యటిస్తారు. ఫ్లోరై డ్ రహిత నల్గొండలో పట్టణ తాగునీటి సరఫరా, ఎస్ఎల్బీసీ టన్నెల్ పనుల పురోగతిని ప్రస్తావిస్తూ అక్కడి అర్బన్ మీటింగ్‌‌‌‌‌‌‌‌లో ప్రసంగించనున్నారు. పం చాయతీ ఎన్నికల కోడ్ ఉన్నప్పటికీ, మున్సిపాలిటీల ద్వారానే ప్రభుత్వం అమలు చేసిన ఆరు గ్యారెంటీలు, రైతు రుణమాఫీ, ఇందిరమ్మ ఇండ్లు వంటి పథకాల లబ్ధిని గణాంకాలతో సహా ప్రజలకు వివరించడమే ఈ టూర్ ప్రధాన అజెండా అని తెలుస్తున్నది. మంత్రులు, స్థానిక ఎమ్మెల్యేలతో కలిసి వేదికను పంచుకోవడం ద్వారా పార్టీలో ఐక్యతను చాటడంతోపాటు, కేడర్‌‌‌‌‌‌‌‌లో కొత్త జోష్ నింపడమే లక్ష్యంగా సీఎం పర్యటన సాగనున్నది. డిసెంబర్ 7న ఒక్కరోజు విరామం తీసుకుని, డిసెంబర్ 8 నుంచి హైదరాబాద్‌‌‌‌‌‌‌‌లో జరిగే గ్లోబల్ సమిట్‌‌‌‌‌‌‌‌కు హాజరవుతారు.