కోహెడ,(హుస్నాబాద్) వెలుగు: అభివృద్ధి పనులను స్పీడప్ చేయాలని కలెక్టర్హైమావతి అధికారులను ఆదేశించారు. శుక్రవారం హుస్నాబాద్ఐవోసీ బిల్డింగ్లో నియోజకవర్గ స్థాయి అధికారులతో రివ్యూ నిర్వహించారు. ఈ సందర్బంగా మండలాల వారిగా పనుల పురోగతిని అధికారులను అడిగి తెలుసుకున్నారు. హుస్నాబాద్ నుంచి కొత్తపల్లి వరకు నిర్మించే 4 లైన్ల రోడ్డు పనులను వేగవంతం చేయాలని ఆర్అండ్ బీ అధికారులకు సూచించారు. గ్రామాల్లో ఇందిరమ్మ ఇండ్ల నిర్మాణాలను స్పీడప్ చేయాలన్నారు.
ఇల్లు కట్టుకోవడం ఇష్టం లేని వారి నుంచి లేఖలు తీసుకొని అర్హత కలిగిన వారికి ఇందిరమ్మ ఇండ్లను కేటాయించేందుకు చర్యలు తీసుకోవాలని ఎంపీడీవోలను ఆదేశించారు. రైతులకు యూరియా కొరత లేకుండా చర్యలు తీసుకోవాలని అగ్రికల్చర్ఆఫీసర్లకు, వన మహోత్సవంలో మొక్కలు నాటాలని పారెస్ట్ అధికారులకు సూచించారు. సమావేశంలో ఆర్డీవో రామ్మూర్తి, ఆయా శాఖల అధికారులు పాల్గొన్నారు.
