రోడ్డు పూర్తికాకుండానే టోల్ట్యాక్స్!
మందమర్రిలో ప్రయాణికుల ఆందోళన
మందమర్రి, వెలుగు : రోడ్డు పనులు పూర్తి చేయకుండానే టోల్ట్యాక్స్వసూలు చేయడంపై ప్రయాణికులు, స్థానికులు, లీడర్లు ఆందోళనకు దిగారు. మంచిర్యాల – -చాందా రోడ్డును నాలుగు వరుసలుగా మార్చుతూ 2018లో రూ.2,407 కోట్లు కేటాయించారు. 2019 టెండర్లు పూర్తికాగా 2020 ఆగస్టులో పనులు మొదలుపెట్టారు. మంచిర్యాల జిల్లాలోని ఇందారం క్రాస్ రోడ్ నుంచి తాండూరు మండలం రేపల్లెవాడ వరకు రూ.1,356.90 కోట్ల వ్యయంతో 42 కి.మీ. పనులు చేయాల్సి ఉంది. రోడ్డు, ఫ్లైఓవర్ల పనుల కోసం తరచూ దారిని వన్వేగా మార్చడంతో మందమర్రి బస్టాండు, సోమగూడెం, తాండూర్ మండల కేంద్రం దగ్గర తరచూ ప్రమాదాలు జరుగుతున్నాయి. ఇప్పటికే ప్రమాదాల్లో పది మందికి పైగా చనిపోయారు.
రోడ్డు పనులు పూర్తి కాకుండానే శుక్రవారం ఉదయం మందమర్రి పట్టణ శివారు కేకే ఓసీపీ సమీపంలో టోల్ప్లాజాను కలెక్టర్ భారతిహోళికేరి ప్రారంభించారు. రోడ్డు పనులు పూర్తికాకుండానే టోల్ ట్యాక్స్వసూలు చేయవద్దని ప్రయాణికులు, స్థానికులు, సింగరేణి కార్మికులు ఈ సందర్భంగా కలెక్టర్ను కోరారు. అయితే రూల్ప్రకారం పూర్తయిన రోడ్డు ఆధారంగా టోల్ట్యాక్స్ వసూలు చేస్తున్నట్లు హైవే ఆఫీసర్లు చెప్పారు. రోడ్డు కోసం తమ భూములు కోల్పోయామని, టోల్ప్లాజాలో స్థానికులకు ఉద్యోగాలు కల్పించాలని కాసీపేట మండల సోమగూడెం సర్పంచ్ప్రమీలాగౌడ్ నేతృత్వంలో స్థానికులు ఆందోళనకు దిగారు. రోడ్డు పనులు పూర్తికాకుండా టోల్ పన్ను వసూలు చేయవద్దని, 20 కి.మీ.లోపు స్థానికులకు ఉచిత పాసులు ఇవ్వాలని, టోల్ ప్లాజాలో ఉద్యోగాలు కల్పించాలని సీపీఐ జిల్లా సెక్రటరీ, మందమర్రి టౌన్కామెర దుర్గారాజు, మంచిర్యాల జిల్లా బీఎస్పీ ఇన్చార్జీ ఎం.వి.గుణ, జోనల్ మహిళా కన్వీనర్ భవానీ, జిల్లా మహిళా కన్వీనర్ బొడ్డు వినోద నేతృత్వంలో సీపీఐ, బీఎస్పీ లీడర్లు, కార్యకర్తలు ఆందోళనకు దిగారు. దీంతో ట్రాఫిక్జామైంది. పోలీసులు జోక్యం చేసుకొని ఆందోళనకారులను పంపించివేశారు.
బస్సు ప్రయాణికుల నుంచీ వసూలు
టోల్ ట్యాక్స్ పేరుతో మంచిర్యాల బెల్లంపల్లి మధ్య నడిచే ప్రతి ఆర్టీసీ బస్సులోని ప్రయాణికుల నుంచి టికెట్పై ఉన్న రేటుకంటే రూ. 10 అదనంగా తీసుకున్నారు. దీంతో ప్రయాణికులు టోల్ ప్లాజా నిర్వాహకులతోపాటు ఆర్టీసీ డ్రైవర్, కండక్టర్ తో గొడవపడ్డారు. పాస్ కలిగిన ప్రయాణికులు, స్టూడెంట్ల నుంచి సైతం వసూలు చేయడంతో తీవ్ర ఇబ్బందులు పడ్డారు.
