మాదాపూర్, వెలుగు : ఈ ఎన్నికల్లో బీఆర్ఎస్ను ఓడించి తగిన బుద్ధి చెప్పాలని శేరిలింగంపల్లి సెగ్మెంట్ కాంగ్రెస్ అభ్యర్థి జగదీశ్వర్ గౌడ్ పిలుపునిచ్చారు. ఎన్నికల ప్రచారంలో భాగంగా కొండాపూర్, మియాపూర్, అల్విన్ కాలనీ, మాదాపూర్ డివిజన్లలో కాంగ్రెస్ నేతలు, కార్యకర్తలతో కలిసి ఆయన ప్రచారం నిర్వహించారు. ఈ సందర్భంగా జగదీశ్వర్ గౌడ్ మాట్లాడుతూ.. ఈ నెల 30న జరిగే ఎన్నికల్లో హస్తం గుర్తుకు ఓటేసి తనను గెలిపించాలని కోరారు.
యువత, స్టూడెంట్లు, మహిళలకు ఉద్యోగ రంగాల్లో అవకాశాలు కల్పించే విధంగా కృషి చేస్తానన్నారు. కాంగ్రెస్అధికారంగా వచ్చిన వెంటనే ఆరు గ్యారెంటీలను అమలు చేస్తామన్నారు. బీఆర్ఎస్, బీజేపీ నేతల మోసపూరిత మాటలు నమ్మొద్దని ఆయన సూచించారు.
