కోనరావుపేట, వెలుగు: స్థానిక సంస్థల ఎన్నికల్లో కాంగ్రెస్ గెలుపే ధ్యేయంగా ముందుకెళ్తున్నామని ప్రభుత్వ విప్, ఎమ్మెల్యే ఆది శ్రీనివాస్ అన్నారు. శనివారం కోనరావుపేట మండలం మర్తన్నపేటకు చెందిన గ్యాదపాక దీపిక సుమారు 30 మంది అనుచరులతో కలిసి కాంగ్రెస్ లో చేరగా ఆయన కండువాలు కప్పి ఆహ్వానించారు. కాంగ్రెస్ ప్రభుత్వం చేపడుతున్న అభివృద్ధి, సంక్షేమ పథకాలను చూసి పార్టీలో చేరినట్లు వారు పేర్కొన్నారు. కిసాన్ సెల్ జిల్లా అధ్యక్షుడు జగన్మోహన్ రెడ్డి, నాయకులు శ్రీనివాస్, రామచంద్రం, రవి గౌడ్, వెంకటేశ్ తదితరులు పాల్గొన్నారు.
