మహారాష్ట్ర రాజకీయాల్లో మూడో రోజు సంక్షోభం కొనసాగుతోంది. గంట గంటకు పరిణామాలు వేగంగా మారుతున్నాయి. ఉద్ధవ్ ఠాక్రే సర్కార్ పై మంత్రి ఏక్ నాథ్ షిండే, ఆయన అనుచర ఎమ్మెల్యేలు తిరుగుబావుటా ఎగురవేసిన సంగతి తెలిసిందే. ఏక్ నాథ్ షిండే వద్ద ఉన్న ఎమ్మెల్యేల్లో ఒకరైన శివసేన ఎమ్మెల్యే నితిన్ దేశ్‌ముఖ్ షాక్ ఇచ్చారు. తిరిగి ముంబైకి వచ్చి ఉద్ధవ్ ఠాక్రే గూటికి చేరిపోయారు. ఏక్ నాథ్ షిండే బృందం తనను కిడ్నాప్ చేసిందని ఎమ్మెల్యే నితిన్ దేశ్‌ముఖ్ ఆరోపించారు. తమను బలవంతంగా సూరత్‌కు తీసుకెళ్లారని, తాను పారిపోవడానికి ప్రయత్నిస్తే సూరత్ పోలీసులు పట్టుకున్నారని చెప్పారు. తన కంటే ముందే ఎమ్మెల్యే ప్రకాశ్ అబిత్కర్ వారి నుంచి తప్పించుకునేందుకు ప్రయత్నించినా కుదరలేదని అన్నారు. తాము సూరత్‌లోని లీ మెరిడియన్ హోటల్‌కు చేరుకోగానే ‘మహా వికాస్ అఘాఢీ’ సంకీర్ణ ప్రభుత్వానికి వ్యతిరేకంగా కుట్ర పన్నారని తనకు అప్పుడే తెలిసిందని ఆరోపించారు.
We were forcibly taken to Surat, I tried to run away but was caught by Surat police. Despite having no complications, doctors told me that I had a heart attack. 300-350 police personnel were keeping an eye on us: Shiv Sena MLA Nitin Deshmukh pic.twitter.com/nyDWFM0Dqb
— ANI (@ANI) June 23, 2022
Before me, MLA Prakash Abitkar tried to get away from them but he could not. We got to know about the conspiracy against the MVA govt as soon as we reached Surat's hotel: Shiv Sena MLA Nitin Deshmukh pic.twitter.com/PvV8BYtE6K
— ANI (@ANI) June 23, 2022
అయితే.. శివసేన ఎమ్మెల్యే నితిన్ దేశ్‌ముఖ్ ఆరోపణలను ఏక్ నాథ్ షిండే బృందం తీవ్రంగా ఖండించింది. ఎమ్మెల్యే నితిన్ దేశ్‌ముఖ్ ను తాము కిడ్నాప్ చేయలేదని, ఆయన ఇష్టపూర్వకంగానే తమతో వచ్చాడంటూ కొన్ని ఫొటోలను విడుదల చేసింది. తనను బలవంతంగా సూరత్‌కు తీసుకెళ్లారని ఎమ్మెల్యే నితిన్ దేశ్‌ముఖ్ చేసిన ఆరోపణలను తప్పుపట్టింది. నితిన్ దేశ్‌ముఖ్ ను కిడ్నాప్ చేయలేదని, తమతో కలిసి సూరత్ లో ఉన్న కొన్ని ఫొటోలను ఏక్ నాథ్ షిండే బృందం విడుదల చేసింది.
#MaharashtraPoliticalCrisis | After allegations of Shiv Sena MLA Nitin Deshmukh that he was forcibly taken to Surat, rebel leader Eknath Shinde camp releases earlier pictures of Nitin Deshmukh with other rebel MLAs pic.twitter.com/VQ6lWuP8cY
— ANI (@ANI) June 23, 2022
