- పలువురి నుంచి డబ్బు వసూలుకు యత్నం
- వెంటనే మెసేజ్ బ్లాక్ చేయాలె: కలెక్టర్ ప్రావీణ్య
వరంగల్:కలెక్టర్ ప్రావీణ్య పేరుతో సైబ‌ర్ నేర‌గాళ్లు ఫేస్‌బుక్‌లో న‌కిలీ ఖాతా సృష్టించారు. ఈ ఖాతాను ఉప‌యోగించుకుని పలువురి నుంచి డబ్బు వ‌సూలు చేసేందుకు సైబ‌ర్ నేర‌గాళ్లు య‌త్నిస్తు న్నారు. తాను మీటింగ్ లో ఉన్నానని, అర్జెంట్ డబ్బులు కావాలంటూ శ్రీలంక దేశానికి చెందిన +94776414080 అనే నంబర్ నుంచి కలెక్టర్ ప్రావీణ్య పేరుతో సైబ‌ర్ నేర‌గాళ్లు ప‌లువురికి మేసేజ్‌లు పంపించారు. డబ్బులు ఫోన్‌ పే చేసి, స్ర్కీన్‌ షాట్‌ షేర్‌ చేయాలని సైబ‌ర్ నేర‌గాళ్లు కోరారు.
విషయం తెలుసుకున్న కలెక్టర్ ప్రావీణ్య వెంటనే పోలీసుల‌కు ఫిర్యాదు చేశారు. తన అస‌లు ఫేస్‌బుక్ అకౌంట్ ద్వారా అంద‌రినీ అప్రమ‌త్తం చేశారు. తన పేరుతో ఎవ‌రూ డబ్బులు అడిగినా ఇవ్వొద్దని కలెక్టర్ సూచించారు. తన పేరుతో వచ్చిన పై నంబర్ మోసపూరితమైనది, దయచేసి జవాబు ఇవ్వవద్దని విజ్ఞప్తి చేశారు. వీలైనంత త్వరగా ఆ నంబర్ను బ్లాక్ చేయాలని ప్రతి ఒక్కరినీ కలెక్టర్ ప్రావీణ్య కోరారు. కేసు నమోదు చేసుకున్న పోలీసులు దర్యాప్తు చేస్తున్నారు.
