కాగజ్ నగర్, వెలుగు: ఆసిఫాబాద్ జిల్లా కాగజ్‌నగర్‌ పట్టణంలోని పట్టపగలే చోరీ జరిగింది. ఒంటరిగా ఉన్న వృద్ధురాలిపై దాడి చేసి మెడలోని రెండు తులాల బంగారు గొలుసును లాక్కెళ్లిపోయారు. ద్వారకానగర్ లో ఉంటే విరమ్మ(70) శుక్రవారం ఉదయం ఇంట్లో ఒంటరిగా ఉంది. సమయంలో ఇద్దరు వ్యక్తులు వచ్చి పేపర్ అంటూ పిలిచారు.
ఆమె వెళ్లగా కింద నెట్టేసి ఆమె మెడలో ఉన్న రెండు తులాల బంగారం చైన్ లాక్కుని పరారయ్యారు. కిందపడిన వృద్ధురాలు కేకలు వేయడంతో చుట్టుపక్కల వారు వచ్చి చూసినా దుండగులు అప్పటికే పారిపోయారు. సమాచారం అందుకున్న కాగజ్‌నగర్‌ డీఎస్పీ వహీదుద్దీన్ ఘటనా స్థలాన్ని పరిశీలించారు. టౌన్ పోలీసులు విచారణ చేపట్టారు. పట్టణంలో ఇటీవల చోరీలు, మోసం కేసులు నిత్యం జరుగుతుండటంతో స్థానికులు భయాందోళ నకు గురవుతున్నారు.
