పెద్దపల్లి జిల్లా మంథని పట్టణంలో 2024 మార్చి 12 మంగళవారం ఉదయం మున్సిపల్ అధికారులు అక్రమ కట్టడాల కూల్చివేతలను ప్రారంభించారు. నిబంధనలకు విరుద్ధంగా రోడ్లు, ఫుట్పాత్లను ఆక్రమించిన చిన్న దుకాణాలు మొదలు బడా షాపింగ్కాంప్లెక్స్ల వరకు వేటినీ వదలకుండా నేలమట్టం చేస్తున్నారు.
హైకోర్ట్ ఆదేశాల మేరకు మున్సిపల్, టాస్క్ ఫోర్స్ ఆధ్వర్యంలో ఈ కూల్చివేతలను మొదలు పెట్టారు. తమ షాపులను కూల్చొద్దంటూ బాధితులు కన్నీరు పెడుతున్నారు. తమకు జీవనాధారమైన షాపులను తొలగిస్తే ఎలా బ్రతకాలని ఆవేదన వ్యక్తం చేశారు. ఈ సందర్భంగా ఆ ప్రాంతంలో పోలీసులు భారీగా మోహరించారు.
