- గ్రామస్తుడిని అదుపులోకి తీసుకున్న ఫారెస్ట్అధికారులు
- వ్యతిరేకిస్తూ గ్రామస్తుల ఆందోళన
కాగజ్ నగర్, వెలుగు: చింతలమానేపల్లి మండలం దిందా గ్రామానికి చెందిన డగే సురేశ్ అనే వ్యక్తిని గురువారం ఫారెస్ట్ ఆఫీసర్లు అదుపులోకి తీసుకోవడం ఉద్రిక్తతకు దారితీసింది. ఉదయం 11 గంటల సమయంలో సురేశ్ తన భార్యతో కలిసి చింతల మానేపల్లికి బైక్పై వెళ్తుండగా.. ఖర్జెల్లి అటవీ ప్రాంతంలో ఫారెస్ట్ ఆఫీసర్లు అడ్డగించి అతడిని అదుపులోకి తీసుకున్నారు. సురేశ్ గ్రామంలో స్లాబ్ ఇల్లు కట్టుకున్నాడు. అయితే రిజర్వ్ ఫారెస్ట్ భూమిని ఆక్రమించి ఇల్లు కట్టారని, ఫారెస్ట్ ఆఫీసర్లు నోటీస్ ఇచ్చారు. సురేశ్ నోటీస్ తీసుకోకపోవడంతో ఇంటికి నోటీస్ ఫ్లెక్సీ కట్టారు.
ఈ క్రమంలోనే ఫారెస్ట్ ఆఫీసర్లు అతడిని అదుపులోకి తీసుకు న్నారు. విషయాన్ని భార్య మంగళ గ్రామస్తులు, కుటుంబీకులకు తెలియజేయడంతో.. గ్రామస్తులు, పోడు రైతులు మూకుమ్మడిగా రవీంద్రనగర్లోని కర్జెల్లీ ఫారెస్ట్ రేంజ్ అఫీస్ వద్దకు చేరుకొని ధర్నా చేపట్టారు. అప్పటికే ఆఫీస్ టైమ్ అయిపోవడంతో ఆఫీస్కు తాళం వేసి వెళ్లినా.. గ్రామస్తులు మాత్రం అక్కడే ధర్నా చేపట్టారు. విషయం తెలుసుకున్న కౌటాల సీఐ ముత్యం రమేశ్ అక్కడికి చేరుకొని వారికి సర్దిచెప్పినా వినలేదు. సురేశ్ను అదుపులోకి తీసుకున్న విషయమై కాగజ్ నగర్ ఎఫ్డీఓ సుశాంత్ సుఖ్దేవ్ను వివరణ కోరగా.. నిబంధనల మేరకు అదుపులోకి తీసుకుని విచారిస్తున్నట్లు పేర్కొన్నారు.
