డాక్టర్‌ను కనిపించే దేవుడితో పోలుస్తారు. ఎందుకంటే మనిషికి దేవుడి తర్వాత ప్రాణం పోయగల శక్తి డాక్టర్ ఒక్కడికే ఉంది. అంతేకాకుండా ఎంత పెద్ద రోగం వచ్చినా నయం చేసి నేనున్నానంటూ ధైర్యాన్ని నింపుతాడు. అలాంటి ఓ డాక్టర్ తన పేషంట్ కోసం బ్యాట్‌మన్‌గా మారాడు. ఈ ఘటన అమెరికాలోని నార్త్ డకోటాలో జరిగింది. ఒక పిల్లవాడు క్యాన్సర్‌తో బాధపడుతున్నాడు. అతనికి అవే చివరి రోజులు. ఆ విషయం పిల్లవాడికి తెలియదు. అయితే డాక్టర్ పిల్లవాడిని నీకు ఏదైనా కావాలని ఉందా అని అడిగాడు. దానికి ఆ పిల్లవాడు.. నాకు బ్యాట్‌మన్‌ను కలవాలని ఉంది అని చెప్పాడు.
పిల్లవాడి కోరిక విన్న డాక్టర్ మరుసటి రోజు బ్యాట్‌మన్‌‌లాగా తయారై ఆస్పత్రికి వచ్చాడు. పిల్లవాడి దగ్గరికి వెళ్లి హత్తుకున్నాడు. దాంతో ఆ బాబు ఆనందానికి అవధులు లేకుండా పోయాయి. దీనికి సంబంధించిన వీడియోను ఫీల్ గుడ్ పేజ్ తన ట్విట్టర్ ఖాతాలో పోస్టు చేసింది. ఆ వీడియో కొన్ని గంటల్లోనే వైరల్ అయింది. పిల్లవాడి కోరిక తీర్చిన డాక్టర్ నిజంగా మరోసారి తన దైవత్వాన్ని నిరూపించుకున్నాడని నెటిజన్లు ప్రశంసిస్తున్నారు.
A doctor asks the cancer patient what his dream is. The boy says he wants to meet Batman. And the next day the doctor dresses in the superhero's costume and fulfills the child's dream ???❤️❤️❤️❤️ pic.twitter.com/juRLHkpyYC
— The Feel Good Page ❤️ (@akkitwts) November 15, 2020
For More News..
