కాగజ్ నగర్, వెలుగు: రక్తదానం చేసి ప్రాణ దాతలుగా నిలవాలని డీఎస్పీ వహీదుద్దీన్ కోరారు. కాగజ్ నగర్ మార్వాడి యువ మంచ్ ఆధ్వర్యంలో మంగళవారం రక్తదాన శిబిరం, మల్టీ డయాగ్నస్టిక్ ఆరోగ్య శిబిరాన్ని అగ్రసేన్ భవన్లో నిర్వహించారు. డీఎస్పీ హాజరై ప్రారంభించారు. ఈ సందర్భంగా మాట్లాడుతూ.. మార్వాడీ యువ మంచ్ సేవా కార్యక్రమాలు చేయడం అభినందనీయమన్నారు.
స్థానిక యువత రక్తదానం చేయగా సేకరించిన యూనిట్లను జీవన్ ధార్ బ్లడ్ బ్యాంక్ కు అందించారు. దాదాపు 200 మందికి డయాగ్నోస్టిక్ పరీక్షలు చేశారు. తహసీల్దార్ మధుకర్, సీఐ ప్రేమ్ కుమార్, బీజేపీ లీడర్ కొత్తపల్లి శ్రీనివాస్, యువ మంచ్ అధ్యక్షుడు అరుణ్ లోయ,సెక్రటరీ అభిషేక్ అసావా, సభ్యులు పాల్గొన్నారు.
