- వెల్లడించిన అప్నా సర్వే
న్యూ ఢిల్లీ: ఉపాధి కోసం ఎదురుచూసే ఫ్రెషర్లు.. ఈ–కామర్స్, టెలికమ్యూనికేషన్స్, బీఎఫ్ఎస్ఐ (ఫైనాన్షియల్‌), ఐటీ సెక్టార్లలో ఉద్యోగాలను కోరుకుంటున్నారని వెల్లడయింది.ఈ రంగాల్లో కెరీర్ బాగుంటుందని భావిస్తున్నారు. వృద్ధి అవకాశాలు ఎక్కువగా ఉంటాయని, వర్క్–లైఫ్ బ్యాలెన్స్ బాగుంటుందని చెబుతున్నారు. జాబ్ ప్రొఫెషనల్ నెట్‌‌‌‌‌‌‌‌వర్కింగ్ ప్లాట్‌‌‌‌‌‌‌‌ఫారమ్ అప్నా సర్వే ప్రకారం, ఈ–కామర్స్ జాబ్స్కు వస్తున్న అప్లికేషన్‌‌‌‌‌‌‌‌లలో 22 శాతం పెరుగుదల ఉంది. బీఎఫ్ఎస్ఐ రంగం 18 శాతం వృద్ధిని కనబరచగా, టెలికమ్యూనికేషన్స్, ఐటీ రంగాల్లో వరుసగా 13 శాతం, 5 శాతం పెరుగుదల కనిపించింది.
సూరత్, జైపూర్, గ్వాలియర్, భోపాల్, ఇండోర్, లక్నో కాన్పూర్ వంటి టైర్ 2, 3 నగరాలకు చెందిన ఫ్రెషర్లలో ఎక్కువ మంది బీఎఫ్ఎస్ఐ, ఈ–కామర్స్‌‌‌‌‌‌‌‌కంపెనీలపై దృష్టి సారిస్తున్నారు. మొత్తం పది వేల మంది అభిప్రాయాలతో సర్వే చేశామని అప్నా డాట్ తెలిపింది. గణనీయమైన కెరీర్ వృద్ధి అవకాశాల కారణంగా ప్రతి 10 మంది ఫ్రెషర్లలో ఆరుగురు ఈ రంగాలకు ఆకర్షితులయ్యారు. దాదాపు 34 శాతం మంది కంపెనీలు అందించే స్థిరత్వానికి ప్రాధాన్యం ఇస్తుండగా, 22 శాతం మంది బ్రాండ్, గుర్తింపునకు ఇంపార్టెన్స్ఇస్తున్నారు.
అంతేకాకుండా, ప్రతి 10 మందిలో 8 మంది అమెజాన్, ఫ్లిప్‌‌‌‌‌‌‌‌కార్ట్ రిలయన్స్ జియో వంటి కంపెనీల్లో ఉద్యోగాలను కోరుతున్నారు. దాదాపు 38 శాతం మంది కంపెనీల్లో మెరుగైన వాతావరణం, పని–-జీవిత సమతుల్యతను అందించే జాబ్స్పై ఆసక్తి చూపుతున్నారు. వృత్తిపరమైన వృద్ధిపై మాత్రమే కాకుండా మొత్తం శ్రేయస్సు ముఖ్యమని స్పష్టం చేశారని అప్నా సీఈఓ నిర్మిత్ పారిఖ్ చెప్పారు.
