కోల్బెల్ట్, వెలుగు: తమ న్యాయమైన డిమాండ్ల సాధన కోసం శాంతియుతంగా పాదయాత్ర చేస్తున్న రైతులపై పోలీసులు కాల్పులు జరపడాన్ని వ్యతిరేకిస్తూ భారత కార్మిక సంఘాల సమాఖ్య(ఐఎఫ్టీయూ) ఆధ్వర్యంలో కేంద్ర ప్రభుత్వ దిష్టిబొమ్మను దగ్ధం చేశారు. గురువారం రామకృష్ణాపూర్పట్టణం రాజీవ్ చౌక్ చౌరస్తాలో లీడర్లు, కార్యకర్తలు నిరసన వ్యక్తం చేశారు.
ఈ సందర్భంగా వారు మాట్లాడుతూ.. ఢిల్లీ సమీప ఖనౌరీ వద్ద శాంతియుతంగా ఆందోళన చేపట్టిన రైతులపై కాల్పులు జరిపి 23 ఏండ్ల శుభాకరన్ అనే యువకుడిని కాల్చి చంపడాన్ని తీవ్రంగా వ్యతిరేకిస్తున్నట్లు చెప్పారు. రైతులు పండించిన పంటలకు కనీస మద్దతు ధర చెల్లించాలని డిమాండ్ చేశారు. ఐఎఫ్టీయూ జిల్లా ప్రధాన కార్యదర్శి డి.బ్రహ్మానందం, రామకృష్ణాపూర్టౌన్ప్రెసిడెంట్గజ్జి మల్లేశ్, ముత్యాల వెంకటేశ్, అప్పారావు, నాగరాజు, సత్యం, ఉమా తదితరులు పాల్గొన్నారు.
