పీజీతోపాటు బీఎడ్ చేసిన అభ్యర్థులకు ఏకలవ్య టీచింగ్ స్టాఫ్ నోటిఫికేషన్ ఈ కోవిడ్ టైంలో మంచి అవకాశం. తెలుగు రాష్ట్రాల్లో 379 పోస్టులు ఉన్నాయి. జూన్ ఫస్ట్ వీక్లో జరిగే ఎగ్జామ్కు ప్లాన్ ప్రకారం ప్రిపరేషన్ సాగిస్తే.. ఈజీగా జాబ్ కొట్టొచ్చు. ఎగ్జామ్ ప్యాటర్న్ , ప్రిపరేషన్ ప్లాన్పై సబ్జెక్ట్ ఎక్స్పర్ట్ గైడెన్స్ ఈ వారం.
సెంట్రల్ ట్రైబల్ వెల్ఫేర్ డిపార్ట్మెంట్ దేశవ్యాప్తంగా ఏకలవ్య రెసిడిన్షియల్ స్కూళ్లలో 3400 బోధన సిబ్బంది ఖాళీల భర్తీకి ఇటీవల నోటిఫికేషన్ ఇచ్చింది. దరఖాస్తు గడువు ఏప్రిల్ 30తో ముగియనుండగా.. జూన్ ఫస్ట్ వీక్లో ఎగ్జామ్ ఉంటుంది. తెలంగాణలో 11 ప్రిన్సిపల్, 6 వైస్ ప్రిన్సిపల్, 77 పీజీటీ, 168 టీజీటీ పోస్టులు ఉన్నాయి. ఈ పోస్టులకు రాష్ట్ర వ్యాప్తంగా వేల సంఖ్యలో అభ్యర్థులు పోటీ పడే అవకాశం ఉంది. ఎగ్జామ్ ప్యాటర్న్ ప్రకారం సబ్జెక్ట్ వైజ్గా కాన్సెప్ట్లను చదువుకుంటే జాబ్ కొట్టడం ఈజీ అవుతుంది.
సిలబస్ & స్టడీ ప్లాన్
జనరల్ ఇంగ్లిష్: సెకండరీ స్థాయిలో అభ్యర్థి జనరల్ ఇంగ్లిష్ పరిజ్ఞానాన్ని పరీక్షించే విధంగా ప్రశ్నలు ఉంటాయి. ఆర్టికల్స్, ప్రిపోజిషన్స్, టెన్స్, వాయిస్, స్పీచెస్, సెంటెన్స్, డిగ్రీ ఆఫ్ కంపోజిషన్, సింపుల్, కాంపౌండ్, కాంప్లెక్స్ టాపిక్స్ చూసుకోవాలి. సీబీఎస్ఈ ఇంగ్లిష్ గ్రామర్ బుక్, Wrin & martin గ్రామర్ బుక్ రెఫర్ చేస్తే సరిపోతుంది.
జనరల్ హిందీ: హిందీ భాషలోని వాక్య నిర్మాణం పదజాలం, అర్థాలు, పర్యాయపదాలు, కవులు, ప్రత్యక్ష, పరోక్ష వాక్యాల నుంచి ప్రశ్నలు వచ్చే చాన్స్ ఉంది. జనరల్ హిందీ 10 మార్కులు స్కోర్ చేయాలంటే సీబీఎస్ఈ సెకండరీ స్థాయి వరకు ఉన్న హిందీ టెక్స్ట్ బుక్స్ చదివితే సరిపోతుంది.
లాజికల్ రీజనింగ్/ఎనలిటికల్ ఎబిలిటీ: ఇందులో రిటర్నింగ్ అంశాలకు ప్రాముఖ్యత ఇస్తారు, నెంబర్ సిరీస్, లెటర్ సిరీస్, పోలిక పరీక్షలు, భిన్న పరీక్షలు, కోడింగ్–డికోడింగ్, డైరెక్షన్, మిస్సింగ్ వర్డ్స్, డైస్, భజన్ టెస్ట్, వెన్చిత్రాలు, సీటింగ్ అరేంజ్మెంట్స్, నిశ్చితార్థ వాక్యాలు, హేతువు, ప్రవచనాలు టాపిక్స్ స్టడీ చేయాలి. ఇందు కోసం ఆర్ఎస్ అగర్వాల్ రీజనింగ్ బుక్ రెఫర్ చేయొచ్చు.
కంప్యూటర్ లిటరసీ: కంప్యూటర్ తరాలు, చరిత్ర, సోషల్ మీడియా, ఇంటర్నెట్, ఈమెయిల్, కంప్యూటర్ వైరస్, డివైజెస్ పరికరాలు చూసుకోవాలి.
క్వాంటిటేటివ్ ఆప్టిట్యూడ్: నెంబర్ సిస్టం, సింప్లిఫికేషన్, నిష్పత్తి అనుపాతం, శాతాలు, లాభనష్టాలు, భాగస్వామ్యం, సరాసరి, వయసులు, బారువడ్డీ–చక్రవడ్డీ టాపిక్స్ చదవాలి. ఆర్ఎస్ అగర్వాల్ అర్థమెటిక్ బుక్ రెఫర్ చేయొచ్చు.
అకడమిక్: అకడమిక్ టాపిక్స్ ప్రిన్సిపల్, వైస్ ప్రిన్సిపల్ ఎగ్జామ్స్కు మాత్రమే ఉంటాయి. ఇందులో చైల్డ్ డెవలప్మెంట్, పెడగాగి అంశాలు, ఆర్టీఈ 2009, ఎన్ఈపీ 2020, బాలల హక్కులు, పోస్కో చట్టం, బోధన అభ్యసన ప్రక్రియలోని టాపిక్స్, స్కూల్ మేనేజ్మెంట్, ప్రిన్సిపల్ విధులు, రికార్డులు, రిజిస్టర్లు, లైబ్రరీ, క్లబ్లు, తదితర టాపిక్స్ చదవాలి. బీఎడ్లోని సైకాలజీ, స్కూల్మేనేజ్మెంట్, ఫౌండేషన్ ఆఫ్ ఎడ్యుకేషన్ తెలుగు అకాడమీ బుక్స్, ఇగ్నో బీఎడ్ బుక్స్ రెఫర్ చేయాలి.
అడ్మినిస్ట్రేషన్ & ఫైనాన్స్: ఇందులో ప్రధానంగా సర్వీస్ రూల్స్ గురించి ఉంటాయి.ఇందుకోసం ఎన్సీఈఆర్టీ, ఎన్సీటీఈ ప్రింట్ చేసిన ఫండమెంటల్ రూల్స్ బుక్తోపాటు టీచర్స్ యూనియన్ కరదీపికలో వచ్చే సర్వీస్ రూల్స్ స్టడీ చేస్తే సరిపోతుంది.
టీచింగ్ ఆప్టిట్యూడ్/పెడగాజి: పీజీటీ, టీజీటీ పోస్టులకు టీచింగ్ ఆప్టిట్యూడ్/పెడగాజి ఉంటుంది. ఇందులో కరిక్యులం, ప్రణాళికలు, పాఠ్యప్రణాళిక, వార్షిక ప్రణాళిక, మూల్యాంకనం, నిరంతర సమగ్ర మూల్యాంకనం, ప్రత్యేక అవసరాలు గల పిల్లలు–విద్య, బోధనాధ్యయన శాస్త్రం, తదితర టాపిక్స్ చూసుకోవాలి. బీఎడ్లో బోధనా శాస్త్రం తెలుగు అకాడమీ బుక్, ఇగ్నో బీఎడ్ బుక్స్ చదవాలి.
సంబంధిత సబ్జెక్ట్: పీజీటీ అభ్యర్థులైతే వారి సబ్జెక్టు ప్రకారం సీబీఎస్ఈ బుక్స్ 12వ తరగతి వరకు, టీజీటీ అభ్యర్థులైతే సీబీఎస్ఈ టెన్త్ వరకు అన్ని టాపిక్స్ అధ్యయనం చేయాలి. నెగెటివ్ మార్క్స్ ఉన్నందున జాగ్రత్తగా ప్రిపేరవ్వాలి.
జనరల్ నాలెడ్జ్ & కరెంట్ ఎఫైర్స్
జనరల్ నాలెడ్జ్లో జాతీయ, అంతర్జాతీయ అంశాలు, సదస్సులు, సమావేశాలు, సంస్థలు, వ్యక్తులు, క్రీడలు, అవార్డులు, కొవిడ్ 19, వ్యాక్సిన్లు తదితర టాపిక్స్ అధ్యయనం చేస్తూ.. 2021 కరెంట్ టాపిక్స్స్టడీ చేయాలి. ఇందుకోసం మేఘన, మనోరమ లాంటి ఇయర్ బుక్స్తోపాటు న్యూస్పేపర్స్ చదవాలి.
ఎగ్జామ్ ప్యాటర్న్: ప్రిన్సిపల్, వైస్ ప్రిన్సిపల్, పీజీటీ పోస్టులకు సంబంధించి160 మార్కులకు రిటెన్ ఎగ్జామ్, 40 మార్కులకు ఇంటర్వ్యూ కండక్ట్ చేస్తారు. టీజీటీ ఎగ్జామ్ మాత్రం 180 మార్కులకు ఉంటుంది. ప్రతి తప్పు సమాధానానికి వన్ ఫోర్త్ మార్క్ కట్ చేస్తారు. అభ్యర్థి ఎగ్జామ్ మెరిట్, ఇంటర్వ్యూ ప్రతిభా ఓవరాల్గా ఫైనల్ సెలెక్షన్ ఉంటుంది.
