ఎన్నికలు అంటే డబ్బు అనేది అందికీ తెలిసినా.. డబ్బులే ఎన్నికలుగా మారిపోయాయి.. భారత దేశ చరిత్రలోనే 2024 ఎన్నికలు అత్యంత ఖరీదైనవిగా ఈసీ లెక్కలు చెబుతున్నాయి.. దేశంలో ఇప్పటి వరకు ఫస్ట్ ఫేస్ పోలింగ్ ప్రారంభమే కాలేదు.. అప్పుడే అక్షరాల 4 వేల 650 కోట్ల రూపాయల విలువైన సొత్తును స్వాదీనం చేసుకున్నది ఎన్నికల సంఘం.
అవును.. ఇది నిజం.. ఎన్నికల సంఘం అధికారులకే షాకింగ్ గా ఉంది.. ఎందుకంటే.. 2019 ఎన్నికల్లో మొత్తం స్వాధీనం చేసుకున్న సొత్తు విలువ 3 వేల 500 కోట్లుగానే ఉంది.. 2024లో మాత్రం ఇంకా పోలింగ్ ప్రక్రియ ప్రారంభం కాకముందే 4 వేల 650 కోట్ల విలువైన సొత్తు.. లెక్కాపత్రాలు లేకుండా దొరకటం అనేది దేశ రాజకీయాలను షాకింగ్ కు గురి చేస్తున్నాయి.
2019 సార్వత్రిక ఎన్నికలు ముగిసే సరికి..
నగదు : రూ. 8 వందల 44 కోట్లు క్యాష్ పట్టుబడింది
లిక్కర్ : రూ. 3 వందల 4 కోట్ల 6 లక్షల విలువ గల మద్యపానం సీజ్ అయ్యింది
డ్రగ్స్ : రూ. ఒక వెయ్యి 2 వందల 79 కోట్ల విలువగల మాదక ద్రవ్యాలు సీజ్ అయ్యాయి.
ఖరీదైన మెటల్ : రూ. 9 వందల 87 కోట్ల విలువగల మెటల్ పట్టుబడింది.
ఉచితంగా ఇచ్చే వస్తువులు : రూ. 60 కోట్ల 15 లక్షల ఉచితంగా ఇచ్చే వస్తువులు పట్టుబడ్డాయి.
2024 సార్వత్రిక ఎన్నికలు మార్చి 1 నుంచి ఏప్రిల్ 13 2024 వరకు లభ్యమైన డేటా
నగదు : రూ. 3 వందల 95 కోట్ల 39 లక్షల క్యాష్ పట్టుబడింది
లిక్కర్ : రూ. 4 వందల 89 కోట్ల 3 లక్షల విలువ గల మద్యపానం సీజ్ అయ్యింది
డ్రగ్స్ : రూ. 2 వేల 68 కోట్ల 8 లక్షల విలువగల మాదక ద్రవ్యాలు సీజ్ అయ్యాయి.
ఖరీదైన మెటల్ : రూ. 5 వందల 62 కోట్ల విలువగల మెటల్ పట్టుబడింది.
ఉచితంగా ఇచ్చే వస్తువులు : రూ. 1 వెయ్యి 1 వంద 42 కోట్ల 49 లక్షల ఉచితంగా ఇచ్చే వస్తువులు పట్టుబడ్డాయి.
2024 సార్వత్రిక ఎన్నికల పోలింగ్ ప్రక్రియ ప్రారంభం కాకముందే 4 వేల 650 కోట్ల విలువైన సొత్తు.. లెక్కాపత్రాలు లేకుండా దొరకటం అనేది దేశ వ్యాప్తంగా సంచలనంగా మారింది.
