- తెలంగాణ ఎరుకల ప్రజా సమితి
బషీర్బాగ్, వెలుగు: ట్యాంక్ బండ్పై ఏకలవ్య విగ్రహానికి స్థలం కేటాయించి, ఏర్పాటు చేయాలని తెలంగాణ ఎరుకల ప్రజా సమితి (టీవైపీఎస్) కోరింది. గురువారం బషీర్ బాగ్ ప్రెస్ క్లబ్లో ఏకలవ్య జయంతిని నిర్వహించారు. ఈ సందర్భంగా టీవైపీఎస్ రాష్ట్ర అధ్యక్షుడు కెమసారం తిరుపతి మాట్లాడుతూ.. రాష్ట్రంలో 6 లక్షల ఎరుకల జనాభా ఉందని, ఏకలవ్య జయంతిని అధికారికంగా నిర్వహించాలని డిమాండ్చేశారు. 33 జిల్లా కేంద్రాల్లో ఏకలవ్య విగ్రహాలు ఏర్పాటు చేయాలన్నారు. ఏకలవ్య జయంతి ఉత్సవాలకు ప్రతి జిల్లాకు రూ.లక్ష బడ్జెట్ కేటాయించాలని, క్రీడల్లో రాణించిన వారికి ఏకలవ్య అవార్డులను ఇవ్వాలని విజ్ఞప్తి చేశారు.
