- యూపీలో ఘటన
లక్నో: లాక్డౌన్ కారణంగా తన గోధుమ పంట కోయడానికి కూలీలెవరూ రాకపోవడంతో మనస్థాపం చెందిన ఓ రైతు సూసైడ్ చేసుకున్నాడు. ఈ విషాద ఘటన యూపీలోని బండా జిల్లాలో శనివారం జరిగింది. ‘‘రంభవన్ శుక్లా(52) అనే రైతు జారీ గ్రామ శివారులో ఓ చెట్టుకు ఉరివేసుకుని చనిపోయాడు. తన పంట కోతకు కూలీలకోసం కొద్ది రోజులుగా వెతుకుతున్నాడు. శనివారం కూడా డే అంతా తిరిగితే ఎవరూ రావడానికి మొగ్గు చూపలేదు. దీంతో మనస్థాపం చెంది సూసైడ్ చేసుకున్నాడు”అని అడిషనల్ సూపరింటెండెంట్ లాల్భరత్ కుమార్ పాల్ మీడియాకు వెల్లడించారు. పోస్టుమార్టం ముగిసిన తర్వాత డెడ్ బాడీని కుటుంబ సభ్యులకు అందజేశామని చెప్పారు.
