బెల్లంపల్లి రూరల్, వెలుగు: అకాల వర్షాలు, కూలీల కొరత కారణంగా పత్తి పంట ఆలస్యమైందని, కొనుగోళ్లు తేదీ గడువు పెంచి రైతులను ఆదుకోవాలని కోరుతూ బెల్లంపల్లి నియోజకవర్గ రైతులు గురువారం ఆసిఫాబాద్ కలెక్టర్హరితకు వినతిపత్రం అందించారు. 2, 3వ విడత పత్తి 40 శాతం ఇంకా చేనుల్లోనే ఉండగా కొనుగోళ్లు నిలిపివేస్తే రైతులు తీవ్రంగా నష్టపోవాల్సి వస్తుందన్నారు.
పంట ఆలస్యమైన కారణంగా ఫిబ్రవరి 20 తర్వాత కూడా సీసీఐ కొనుగోలు కేంద్రాలను కొనసాగించాలని, ప్రైవేట్పత్తి మిల్లర్లు కోత విధించకుండా చర్యలు చేపట్టాలని కోరారు. తెలంగాణ రైతు సంక్షేమ సంఘం రైతులు శరత్, రవి, మణికంఠ, తిరుపతి పాల్గొన్నారు.
