- సినీ నటి స్నేహ
- గ్రాండ్ కాకతీయలో ఉత్సాహంగా ఫెర్టీ9 బేబీ మీట్
హైదరాబాద్, వెలుగు : మాతృత్వపు మాధుర్యం మరువలేనిదని సినీ నటి స్నేహ తెలిపారు. ఫెర్టి9 ఫెర్టిలిటీ సెంటర్ ద్వారా ట్రీట్మెంట్ తీసుకుని పిల్లలను కన్న తల్లిదండ్రులతో శనివారం హోటల్ గ్రాండ్ కాకతీయలో బేబీ మీట్ కార్యక్రమం నిర్వహించారు. చీఫ్ గెస్టుగా హాజరైన నటి స్నేహ మాట్లాడుతూ.. సంతానం కోసం ఎదురుచూసే మహిళలకు ఫెర్టి9 మంచి సేవలు అందిస్తోందన్నారు. ఫెర్టీ 9 మెడికల్ డైరెక్టర్ డాక్టర్ సి. జ్యోతి మాట్లాడుతూ..
పదేండ్లుగా తమ ఫెర్టిలిటీ సెంటర్ ద్వారా ట్రీట్మెంట్ తీసుకుని ఎంతోమంది దంపతులు తల్లిదండ్రులు అయ్యారన్నారు. ప్రస్తుతం తల్లిదండ్రులు అయిన వారు, కాబోయే తల్లిదండ్రులు ఒక చోట చేరి వారి అనుభవాలను పంచుకోవడానికి ఓ నెట్వర్క్ను రూపొందించేందుకు ప్రత్యేక అవకాశాన్ని అందిస్తున్నామన్నారు. సంతానోత్పత్తి ప్రయాణంలో ప్రతి అడుగు ప్రాధాన్యతను ఫెర్టీ9 అర్థం చేసుకుంటుందని ఆమె తెలిపారు.
