వరంగల్ సిటీ, వెలుగు: గ్రేటర్ వరంగల్ పరిధి ఏనుమాముల మార్కెట్ సమీపంలోని ప్లాస్టిక్ కంపెనీలో మంటలు చెలరేగి రూ.35లక్షల ఆస్తి నష్టం జరిగింది. ఈ ఘటనతో సమీప ప్రజలు భయాందోళనకు గురయ్యారు. ఆదివారం ఉదయం ప్లాస్టిక్ కంపెనీలో నుంచి దట్టమైన పొగలు వ్యాపించాయి. పోలీసులు, అగ్నిమాపక సిబ్బంది అక్కడికి చేరుకొని మూడు గంటలు శ్రమించి మంటలను అదుపులోకి తెచ్చారు.
షార్ట్ సర్య్కూట్ తోఈ ప్రమాదం జరిగి ఉండవచ్చని ఏనుమాముల సీఐ జవ్వాజి సురేశ్ తెలిపారు. ప్లాస్టిక్ వస్తువులతో పాటు ఇల్లు, బొలెరో వెహికల్ కాలిపోయింది. ఈ ప్రమాదం రాత్రి వేళలో జరిగి ఉంటే పక్కనే కోల్ట్ స్టోరేజీ, పత్తి మిల్లులకు మంటలు వ్యాపించి ఆస్తి నష్టం పెరిగి ఉండేదని అంటున్నారు.
