- అడిగిందే తడువుగా ఫండ్స్ శాంక్షన్
- కొత్త మండలాల ఏర్పాటుకూ చర్యలు
- ఎన్నికల్లో లబ్ధి పొందేందుకు చకచక కదులుతున్న పెండింగ్ ఫైల్స్
కామారెడ్డి, వెలుగు: వచ్చే ఎన్నికల్లోనూ గెలిచి మూడోసారి అధికారం చేపట్టాలని ఉవ్విళ్లూరుతున్న అధికార బీఆర్ఎస్, తమపై ఉన్న ప్రతికూలతలను అనుకూలంగా మలుచుకునేందుకు ప్రయత్నిస్తోంది. ఏండ్లుగా పెండింగ్లో ఉన్న పనులను పూర్తి చేసేందుకు ప్రాధాన్యమిస్తోంది. కామారెడ్డి జిల్లాలో సీఎం కేసీఆర్ పోటీ చేయనున్న నేపథ్యంలో పెండింగ్లో ఉన్న పనులను స్పీడప్ చేయడంతో పాటు, కొత్తగా పనులు చేపట్టేందుకు ఫండ్స్కూడా రిలీజ్ చేస్తున్నారు. స్థానిక ప్రజాప్రతినిధులు అడిగిందే తడువుగా, ఫండ్స్ శాంక్షన్ చేస్తూ జీవోలు జారీ చేస్తున్నారు. ఎంతో కాలంగా కోరుతున్న కొత్త మండలాల ఏర్పాటుకు గ్రీన్సిగ్నల్ ఇస్తున్నారు.
తాగునీటి పైపులైన్కు భారీగా నిధులు
కామారెడ్డి నియోజకవర్గంతో పాటు, ఎల్లారెడ్డి నియోజకవర్గంలోని కొన్ని ఏరియాలకు తాగునీటిని అందించేందుకు కాంగ్రెస్ హయాంలో వాటర్ స్కీమ్పనులు ప్రారంభించారు. ఎస్సారెస్పీ, జలాల్పూర్నుంచి ఇన్వెల్టెక్ ద్వారా నీటిని తీసుకొని తాగునీటిని సప్లయ్ చేయాలని భావించారు. ఇందుకోసం జలాల్పూర్ నుంచి కామారెడ్డి వరకు మెయిన్ పైప్లైన్ వేశారు. ప్రస్తుతం దాన్ని మిషన్భగీరథకు అనుసంధానం చేశారు.
దశాబ్దాల కింద వేసిన మెయిన్ పైప్లైన్ తరచుగా పలిగిపోతుంది. దీంతో కామారెడ్డి టౌన్తో పాటు, పలు గ్రామాలకు తాగునీటికి ఇబ్బందులు కలుగుతున్నాయి. ఈ లైన్మార్పు కోసం కొద్దిరోజుల కింద స్థానిక ఎమ్మెల్యే గంప గోవర్ధన్ ప్రభుత్వ పెద్దలకు విన్నవించగా, 46 కిలోమీటర్ల మెయిన్ పైప్లైన్ మార్చేందుకు రూ.195 కోట్లు శాంక్షన్ చేశారు. ప్రస్తుతం టెండర్ల ప్రక్రియ కొనసాగుతోంది.
మహ్మద్నగర్ మండలం ఏర్పాటు దిశగా..
జిల్లాలో 22 మండలాలు ఉండగా కొన్ని రోజుల క్రితం కొత్తగా డోంగ్లీ, పాల్వంచలను మండలాలుగా ఏర్పాటు చేశారు. జుక్కల్ నియోజకవర్గంలోని నిజాంసాగర్ మండలంలో ఉన్న మహ్మద్ నగర్ను మండలంగా ఏర్పాటు చేయాలని స్థానికులు కోరారు. స్థానిక ఎమ్మెల్యే హన్మంత్షిండే ప్రభుత్వ పెద్దల దృష్టికి తీసుకెళ్లగా 18 గ్రామాలతో మహ్మద్నగర్మండల ఏర్పాటుకు ప్రభుత్వం ఆగస్టు 28న ముసాయిదా నోటిఫికేషన్ జారీ చేసింది. అభ్యంతరాల కోసం 15 రోజుల గడువు ఇచ్చారు. త్వరలోనే మహ్మద్నగర్ మండల ఏర్పాటుకు జీవో జారీ కానుంది. బాన్సువాడ నియోజకవర్గంలోని హన్మాజీపేటను మండలంగా ఏర్పాటు చేయాలని కొన్ని నెలల కింద ప్రపోజల్ వెళ్లాయి. ప్రస్తుతం ఇది పెండింగ్లో ఉంది.
ALSO READ:చేపల వలలో కొండ చిలువ
దోమకొండలో 100 బెడ్స్ హాస్పిటల్
కామారెడ్డి నియోజకవర్గంలోని దోమకొండ లో 30 బెడ్స్ సీహెచ్సీ ఉంది. దీన్ని 100 బెడ్స్కు మార్చాలని స్థానికంగా డిమాండ్చేస్తున్నారు. ఇటీవల స్థానిక ప్రజాప్రతినిధులు సీఎం కేసీఆర్తో పాటు, హెల్త్ మినిస్టర్ను కలిసినప్పుడు ఈ విషయాన్ని గుర్తు చేశారు. హెల్త్డిపార్ట్మెంట్కు కూడా ప్రపోజల్స్ వెళ్లాయి. సీహెచ్సీ స్థాయి పెంపుపై త్వరలోనే జీవో వస్తోందని స్థానిక లీడర్లు చెబుతున్నారు. ఇటీవల స్థానిక ఎమ్మెల్యే గంప గోవర్ధన్, పార్టీ జిల్లా ప్రెసిడెంట్ ముజీబోద్దీన్ సీఎం కేసీఆర్తో భేటీలోనూ పెండింగ్ పనులపై చర్చ జరిగినట్లు సమాచారం. జుక్కల్నియోజకవర్గంలోనూ రోడ్లు, కల్వర్టుల కోసం ప్రభుత్వం ఇటీవల రూ.90 కోట్ల ఫండ్స్శాంక్షన్ చేసింది.
