శ్రీనగర్: జమ్మూకాశ్మీర్లోని కుప్వారాలో పాకిస్తాన్ టెర్రరిస్టుల చొరబాటు యత్నాన్ని మన సైన్యం తిప్పికొట్టింది. పాక్ ఆక్రమిత కాశ్మీర్(పీవోకే)లోని కుప్వారా నుంచి మన దేశంలోకి చొరబడేందుకు ప్రయత్నించిన నలుగురు టెర్రరిస్టులను జమ్మూకాశ్మీర్ పోలీసులు, సైన్యం కాల్చి చంపేసింది. మచల్ సెక్టార్‌‌‌‌‌‌‌‌లో పీవోకే నుంచి చొరబాటుకు యత్నిస్తున్న నలుగురు టెర్రరిస్టులు కాల్పుల్లో హతమైనట్లు జమ్మూకాశ్మీర్ పోలీసులు శుక్రవారం మీడియాకు తెలిపారు. కాశ్మీర్ పోలీసులు, మన సైన్యం సంయుక్తంగా ఈ ఆపరేషన్ చేపట్టిందని చెప్పారు.
కాగా, గురువారం తెల్లవారుజామున అనంత్నాగ్ పోలీసులు కాశ్మీర్లోని బిజ్ బేరా ప్రాంతంలో లష్కరే తాయిబా అనుబంధ సంస్థకు చెందిన ఇద్దరు టెర్రరిస్టులను ఆర్మీ మట్టుబెట్టింది. ఈ నెల 16న కూడా పాక్ టెర్రరిస్టుల పన్నాగాన్ని మన సైన్యం తిప్పికొట్టింది. కాశ్మీర్ నియంత్రణ రేఖ దగ్గరలోని జుమాగుండ్ ప్రాంతంలో ఐదుగురు టెర్రరిస్టులను మట్టుబెట్టింది. జేకే గజ్నవి ఫోర్స్కు చెందిన ఈ ఐదుగురు అత్యంత శిక్షణ పొందిన టెర్రరిస్టులు అని తెలిపింది.
