ఐస్ క్రీం అంటే చల్లగా ఉండేది.. అలాంటి క్రీమ్ కు వేడి తగిలితే కరిగిపోతుంది.. మరి అలాంటి ఐస్ క్రీంను ప్రైడ్ గా చేసి ఇస్తామంటే.. వినటానికే వింత..
రుచి, ఊహ సరిహద్దులను పక్కకు తోసేసే అసాధారణ ఆహార వంటకాలకు ఇంటర్నెట్ ఓ ప్లే గ్రౌండ్ గా మారింది. థంబ్స్ అప్ పానీపూరీ, రస్గుల్లా చాయ్, ఇడ్లీ కుల్ఫీ వంటి విచిత్రమైన కాంబినేషన్లు గతంలో కొందరు ప్రయత్నించిన వైరల్ అయిన విషయం తెలిసిందే. ఇప్పుడు ఈ సమ్మర్ లో చాలా మంది ఇష్టపడే ఐస్ క్రీం తో ఓ వెరైటీ హల్ చల్ చేస్తోంది. ఫుడ్ వ్లాగర్ సలోని బోత్రా ఈ అసాధారణమైన ట్రీట్‌ను సోషల్ మీడియా ద్వారా పంచుకున్నారు.
వైరల్ అవుతున్న ఈ వీడియోలో గడ్డగా ఉన్న తియ్యని వెనీలా ఐస్ క్రీం ను తీసి ఓ గిన్నెలో వేసి, దాన్ని ఓ బాల్ లా చేయడం చూడవచ్చు. దానికి బ్రెడ్ ముక్కల పొడిలో కలిపి, ఆ తర్వాత ఆ బాల్ ను నూనెలో వేయించారు. అది గొధుమ రంగు వచ్చే వరకు ఉంచి.. దాన్ని సర్వింగ్ బౌల్ లో వేస్తారు. ఆ తర్వాత దానిపై చాకోలెట్ క్రీమీని పోస్తారు. అలా ఏర్పడ్డ మిశ్రమాన్ని స్పూన్ తీయడం అందర్నీ ఆకర్షిస్తోంది.
ఈ వెరైటీ రెసిపీకి నెటిజన్లు పలు రకాలుగా స్పందిస్తున్నారు. “నేను దీన్ని ప్రయత్నించాను . ఇది చాలా రుచికరమైనది. అవును.. మీరందరూ నన్ను సైకో అంటారేమో.. కానీ అది చాలా బాగుంది" అంటూ ఓ యూజర్ రాసుకొచ్చారు. కాగా ఈ వైరల్ వీడియోకు 67వేల లైకులు, వెయ్యి కామెంట్స్, 86వేల షేర్స్ వచ్చాయి.
