హైదరాబాద్, వెలుగు: నగదు లావాదేవీలపై స్పెషల్ఫోకస్పెట్టాలని హైదరాబాద్జిల్లా ఎన్నికల అధికారి, జీహెచ్ఎంసీ కమిషనర్ రోనాల్డ్ రోస్ బ్యాంకర్లకు సూచించారు. పార్లమెంట్ ఎన్నికల నేపథ్యంలో గురువారం జీహెచ్ఎంసీ హెడ్డాఫీసులో సీపీ శ్రీనివాస్ రెడ్డితో కలిసి బ్యాంక్కో-ఆర్డినేటర్లు, నగదు రవాణా ఏజెన్సీల ప్రతినిధులతో సమావేశం నిర్వహించారు. ఎన్నికల నియమావళి, నగదు రవాణా గైడ్లైన్స్వివరించారు. కమిషనర్ మాట్లాడుతూ.. ఎన్నికలు సజావుగా నిర్వహించేందుకు బ్యాంకర్లు సహకరించాలన్నారు. ఈఎస్ఎంఎస్ అప్లికేషన్ పై అవగాహన కల్పించారు. అనుమానాస్పద బ్యాంక్లావాదేవీల వివరాలను తమకు అందించాలని చెప్పారు.
ముఖ్యంగా గత మూడు నెలలకు సంబంధించి నగదు లావాదేవీల నివేదికను బ్రాంచుల వారీగా ఇవ్వాలని సూచించారు. క్యాష్ ట్రాన్స్ఫర్ ఏజెన్సీలు నిబంధనలకు మించి నగదు తీసుకెళ్తే సీజ్చేస్తామని హెచ్చరించారు. సమావేశంలో అడిషనల్ సీపీ విక్రమ్ సింగ్ మాన్, ఆర్బీఐ మేనేజర్ అంకిత్ అగర్వాల్, ఎల్.డి.ఎం సుబ్రహ్మణ్యం, ఎలక్షన్ ఎక్స్ పెండేచర్ మానిటరింగ్ నోడల్ ఆఫీసర్ శరత్ చంద్ర, వివిధ బ్యాంకుల కో-ఆర్డినేటర్లు, ఏజెన్సీల ప్రతినిధులు తదితరులు పాల్గొన్నారు.
