హైదరాబాద్, వెలుగు: రోజూ శంషాబాద్ఎయిర్పోర్టు రూట్లో రాకపోకలు సాగించే ప్రయాణికులకు గ్రేటర్ ఆర్టీసీ అధికారులు గుడ్న్యూస్చెప్పారు. రూ.5 వేలకే పుష్పక్ ఏసీ మంత్లీ జనరల్ బస్పాస్ ను అందిస్తున్నట్లు తెలిపారు. ఏఎం, ఏఎల్, ఏజీ రూట్లలో శంషాబాద్, ఆరాంఘర్, గచ్చిబౌలి, బాలాపూర్ క్రాస్ రోడ్స్, ఎల్బీనగర్ నుంచి తక్కువ ధరకు పుష్పక్ ఏసీ పాస్ ను అందిస్తున్నట్లు టీజీ ఎస్ ఆర్టీసీ గ్రేటర్హైదరాబాద్ జోన్ ఎగ్జిక్యూటివ్డైరెక్టర్ వి.వెంకటేశ్వర్లు బుధవారం ఓ ప్రకటనలో తెలిపారు. అలాగే, గ్రీన్ మెట్రోలగ్జరీ ఏసీ మంత్లీ బస్ పాస్ ను రూ.1,900కు అందిస్తున్నామని పేర్కొన్నారు. సికింద్రాబాద్,- పటాన్చెరు(219 రూట్), బాచుపల్లి,- వేవ్ రాక్ వయా జేఎన్ టీయూ(195 రూట్), కోఠి, కొండాపూర్ వయా లక్డీకాపూల్, మాసాబ్ ట్యాంక్, మాదాపూర్, హై టెక్ సిటీ(127కే రూట్) రూట్లలో నడిచే బస్సుల్లో ఈ పాస్చెల్లుతుందన్నారు. గ్రీన్ మెట్రో లగ్జరీ ఏసీ బస్సుల్లోనే కాకుండా ఈ–మెట్రో ఎక్స్ ప్రెస్, సిటీ ఆర్డినరీ బస్సుల్లోనూ సిటీ సబర్బన్ లిమిట్స్ వరకు ప్రయాణించవచ్చని స్పష్టం చేశారు. అయితే మెట్రో ఏసీ లగ్జరీ బస్పాస్ఎయిర్ పోర్టుకు తిరిగే పుష్పక్ ఏసీ బస్సుల్లో చెల్లుబాటు కాదని చెప్పారు. ఈ పాసులు గ్రేటర్ హైదరాబాద్ జోన్ లోని అన్ని బస్సు పాస్ కేంద్రాల్లో పొందొచ్చని, ఉదయం 06.30 నుంచి రాత్రి 08.15 గంటలకు కౌంటర్లు తెరిచి ఉంటాయని వెల్లడించారు.
