పెద్దపల్లి, వెలుగు: పెద్దపల్లి జిల్లా కేంద్రంలోని రైల్వే స్టేషన్ సమీపంలో బుధవారం గూడ్స్ రైల్ ఇంజిన్ పట్టాలు తప్పింది. ఈ ప్రమాదంలో ఎవరికి ఎలాంటి హాని జరగలేదు. ట్రాన్స్ పోర్ట్ కు సంబంధించి గూడ్స్ వ్యాగిన్లు వచ్చే ప్రత్యేక లైను లో ఇంజిన్ మార్చుకునేందుకు వెళ్లిన క్రమంలో కూనారం గేట్ ఆర్ఓబీకి సమీపంలో ఈ ప్రమాదం జరిగింది.
గూడ్స్ రైలు పెద్దపల్లి రైల్వే స్టేషన్ లో ఎరువుల ను అన్లోడ్ చేసి జగిత్యాల కు వెళ్లేందుకు సిద్ధమైంది. ఇంజిన్ను మార్చే సందర్భంలో అది డెడ్ లైన్ దాటి వెళ్లడంతో ఇంజిన్ అక్కడ ఉన్న మట్టిలోకి వెళ్లి పట్టాలు తప్పింది. ఈ సంఘటనపై రైల్వే శాఖ ఉన్నతాధికారులు విచారణ చేపట్టారు.
