- ఊసే లేని కొత్తగూడెంలోని జిల్లా జనరల్హాస్పిటల్ డెవలప్ మెంట్ కమిటీ ఏర్పాటు
- ఇష్టారాజ్యంగా ఔట్సోర్సింగ్ నియామకాలు, నిధుల దుర్వినియోగం!
భద్రాద్రికొత్తగూడెం, వెలుగు : ప్రజలకు కార్పొరేట్స్థాయి వైద్య సేవలందించేందుకు జిల్లాలో మెడికల్కాలేజీకి అనుబంధంగా ఏర్పాటు చేసిన భద్రాద్రొకొత్తగూడెం జిల్లా గవర్నమెంట్జనరల్హాస్పిటల్లో పాలన గాడి తప్పింది. ఉన్నతాధికారుల పర్యవేక్షణ సరిగా లేకపోవడం, హాస్పిటల్ డెవలప్మెంట్ కమిటీ లేకపోవడంతో ఎవరికి వారు ఇష్టారాజ్యంగా వ్యవహరిస్తున్నారు. పెద్ద మొత్తంలో నిధుల దుర్వినియోగం జరిగిందనే ఆరోపణలున్నాయి.
ఇదీ పరిస్థితి..
జిల్లా కేంద్రమైన కొత్తగూడెంలోని జిల్లా గవర్నమెంట్హాస్పిటల్ వైద్య విధాన పరిషత్ పరిధిలో ఉన్న టైంలో హాస్పిటల్ డెవలప్మెంట్కమిటీ ఉండేది. ప్రజాప్రతినిధులు, సామాజిక వేత్తలు ఆఫీసర్లతో ఉన్న ఈ కమిటీ ప్రతి మూడు నెలలకోసారి హాస్పిటల్లోని అన్ని సమస్యలపై రివ్యూ చేసేది. 2021లో హాస్పిటల్వైద్య విధాన పరిషత్ నుంచి డీఎంఈ పరిధిలోకి పోయింది. మెడికల్ కాలేజ్కు అనుబంధంగా జిల్లా గవర్నమెంట్ హాస్పిటల్ జిల్లా గవర్నమెంట్సర్వజన హాస్పిటల్గా ఏర్పడింది.
దీనికి అనుబంధంగా రామవరంలో మాతాశిశు సంరక్షణ కేంద్రాన్ని ప్రభుత్వం ఏర్పాటు చేసింది. 2022 నుంచి జిల్లా సార్వజనిక హాస్పిటల్ సేవలు పూర్తి స్థాయిలో అందుబాటులోకి వచ్చినప్పటికీ హాస్పిటల్ డెవలప్మెంట్ కమిటీ ఏర్పాటు చేయడంలో ఆఫీసర్లు నిర్లక్ష్యంగా వ్యవహరిస్తున్నారు. జిల్లా కలెక్టర్ అధ్యక్షతన ఏర్పాటయ్యే ఈ కమిటీలో జిల్లా పరిషత్ చైర్మన్, హాస్పిటల్పరిధిలోకి వచ్చే ముగ్గురు ఎమ్మెల్యేలు, మున్సిపల్ చైర్మన్, ఎంపీలతో పాటు పలు స్థాయిలోని ప్రజా ప్రజాప్రతినిధులు, స్వచ్ఛంద, సామాజిక సంస్థల ప్రతినిధులు మెంబర్లుగా ఉంటారు.
ఎక్సరే గదికి తాళం..
హాస్పిటల్లో నాణ్యమైన వైద్య సేవలు అందని ద్రాక్షగా మారాయి. హాస్పిటల్లో డాక్టర్లు గ్రూపులుగా ఏర్పడ్డారు. బయోమెట్రిక్ ఉన్నప్పటికీ తమకిష్టమొచ్చినప్పుడు వచ్చిపోవడం కామన్గా మారింది. రోగులకు మెనూ ప్రకారంగా ఫుడ్ అందడం లేదనే ఆరోపణలున్నాయి. హాస్పిటల్లో కీలకమైన ఎక్స్రే ప్లాంట్, సిటీ స్కాన్ గదికి తాళం వేశారు.
రొమ్ము క్యాన్సర్ వ్యాధిని నిర్ధారించే మెమోగ్రామ్ టెస్ట్ సరిగా నడడం లేదు. హాస్పిటల్ పరిసర ప్రాంతాలు అపరిశుభ్రంగా మారి దుర్వాసన వస్తోంది. హాస్పిటల్లోని బ్లడ్ బ్యాంక్కు లైసెన్స్రెన్యువల్ కోసం దరఖాస్తు చేసుకున్నప్పటికీ పర్మిషన్ రాలేదు. పర్యవేక్షించే వారు లేరు. ఇప్పటికైనా హాస్పిటల్ డెవలప్మెంట్కమిటీ ఏర్పాటుపై ఎమ్మెల్యేలు దృష్టి సారించాల్సిన అవసరం ఉంది.
పెద్ద మొత్తంలో చేతులు మారిన డబ్బు!
హాస్పిటల్లో ఔట్ సోర్సింగ్పద్ధతిలో జరిగిన పలు నియామకాల్లో పెద్ద మొత్తంలో డబ్బులు చేతులు మారాయనే ఆరోపణలున్నాయి. దాదాపు 218కి పైగా జరిగిన నియామకాల్లో ఒక్కొక్కరి వద్ద రూ. లక్ష నుంచి రూ . 2లక్షల వరకు వసూలు చేశారనే ఫిర్యాదులు వచ్చాయి. ఈ విషయంలోనే మెడికల్ కాలేజ్ ప్రిన్సిపల్కు, సూపరింటెండెంట్కు మధ్య విభేదాలు మొదలయ్యాయనే ప్రచారం ఉంది.
Also Read: ఇవాళ పాలమూరు న్యాయ్ యాత్ర ముగింపు సభ
చివరకు హాస్పిటల్ సూపరింటెండెంట్గా ఉన్న కుమారస్వామిని అధికారులు ప్రభుత్వానికి సరెండర్ చేశారు. పీఎఫ్, ఈఎస్ఐ చెల్లింపుల్లోనూ అక్రమాలు చోటు చేసుకున్నాయనే ఆరోపణలు వెల్లువెత్తుతున్నాయి. కుమారస్వామిని సరెండర్ చేసి దాదాపు నెల రోజులు కావొస్తున్నా ఇప్పటి వరకు పూర్తి స్థాయి సూపరింటెండెంట్ను నియమించలేదు. మెడికల్కాలేజ్ప్రిన్సిపల్లక్ష్మణ్రావు ప్రస్తుతం ఇన్చార్జిగా వ్యవహరిస్తున్నారు.
