నల్గొండ, వెలుగు : నల్గొండ, ఖమ్మం, వరంగల్ గ్రాడ్యుయేట్ ఓటర్ల సంఖ్య తేలింది. మొత్తం 12 జిల్లాల్లోని ఓటర్ల తుది జాబితాను గురువారం నల్గొండ జిల్లా ఎన్నికల అధికారులు రిలీజ్ చేశారు. గ్రాడ్యుయేట్ ఓటర్లు మొత్తం 4,61,806 మంది ఉన్నట్టు ప్రకటించారు. వీరిలో పురుషులు 2,87,007 మంది, మహిళలు 1,74,794, ఇతరులు ఐదుగురు ఉన్నారు.
మొత్తం 600 పోలింగ్ కేంద్రాలు ఉన్నాయి. అత్యధికంగా నల్గొండ జిల్లాలో 80,559 మంది ఓటర్లు ఉండగా, అత్యల్పంగా సిద్ధిపేట జిల్లాలో 4,671 మంది ఉన్నారని ఆఫీసర్లు తెలిపారు.
