కరీంనగర్‌‌‌‌ జిల్లాలో రెండో రోజు భారీగా నామినేషన్లు

కరీంనగర్‌‌‌‌, వెలుగు: గ్రామ పంచాయతీ ఎన్నికల్లో భాగంగా  తొలి విడత నిర్వహించనున్న గ్రామాల్లో నామినేషన్లు రెండో రోజు జోరందుకున్నాయి. కరీంనగర్ జిల్లాలో 92 గ్రామపంచాయతీల్లో శుక్రవారం సర్పంచ్ స్థానాలకు 197 నామినేషన్లు దాఖలయ్యాయి. చొప్పదండి మండలంలో 33, గంగాధరలో 71, రామడుగులో 47, కరీంనగర్ రూరల్ లో 25, కొత్తపల్లిలో 21 నామినేషన్లు వచ్చాయి. రెండు రోజుల్లో కలిపి మొత్తం 289 నామినేషన్లు దాఖలయ్యాయి. అలాగే 866 వార్డు మెంబర్ స్థానాలకు గురు, శుక్రవారం కలిపి 629 నామినేషన్లు దాఖలైనట్లు అధికారులు వెల్లడించారు. 

జగిత్యాల, వెలుగు: జగిత్యాల జిల్లాలో తొలి విడుత ఎన్నికలు జరగనున్న 122 సర్పంచ్, వార్డు సభ్యుల స్థానాలకు అధిక సంఖ్యలో నామినేషన్లు దాఖలయ్యాయి. సర్పంచ్ స్థానానికి మొత్తం 297 నామినేషన్లు రాగా.. వార్డు సభ్యుల స్థానాలకు 456 నామినేషన్లు స్వీకరించినట్లు కలెక్టర్ బి. సత్యప్రసాద్ తెలిపారు.  సర్పంచ్‌‌ స్థానాలకు భీమారం(45), కథలాపూర్ (52), మల్లాపూర్ (55), కోరుట్ల (31), మెట్‌‌పల్లి (50), ఇబ్రహీంపట్నం (38), మేడిపెల్లి (26) నామినేషన్లు వచ్చాయి. వార్డు సభ్యుల స్థానాలకు గానూ భీమారం (61), కథలాపూర్ (112), మల్లాపూర్ (47), కోరుట్ల (58), మెట్‌‌పల్లి (88), ఇబ్రహీంపట్నం (74), మేడిపెల్లి (16) నామినేషన్లు అందినట్లు అధికారులు తెలిపారు.

పెద్దపల్లి, వెలుగు: పెద్దపల్లి జిల్లాలోని కాల్వ శ్రీరాంపూర్​, మంథని, ముత్తారం, రామగిరి, కమాన్​పూర్​ మండల పరిధిలో సర్పంచ్​ అభ్యర్థులు 193 మంది, వార్డు సభ్యులుగా 308 మంది అభ్యర్థులు నామివేషన్లు దాఖాలు చేశారు. మంథనిలో సర్పంచ్​ స్థానానికి 65, వార్డు సభ్యులు 82 మంది నామినేషన్​ వేశారు. ముత్తారం 30(సర్పంచ్), 70(వార్డులకు) , రామగిరి 31(సర్పంచ్​), 70(వార్డు), కమాన్​పూర్​32(సర్పంచ్), 48(వార్డు), కాల్వ శ్రీరాంపూర్​35(సర్పంచ్), వార్డు 54 నామినేషన్లు  దాఖలయ్యాయి.

రాజన్నసిరిసిల్ల, వెలుగు: రాజన్నసిరిసిల్ల జిలాలో మొదటి ఫేజ్ సర్పంచ్ ఎన్నికల్లో రెండో రోజు భారీగా నామినేషన్లు దాఖలయ్యాయి. వేములవాడ నియోజకవర్గంలోని 85గ్రామాల్లో శుక్రవారం 149 నామినేషన్లు దాఖలయ్యాయి.748వార్డులకు గానూ 301నామినేషన్లు దాఖలయ్యాయి.