సెలవు రోజు అంటే చాలు... ఫ్రెండ్స్తో ఏ సినిమాకు వెళ్లాలి? ఏ ప్లేస్కి టూర్ వేయాలి?... ఇలా రకరకాల ప్లాన్స్తో ఉంటారు చాలామంది. కానీ, ఇతను మాత్రం ఆదివారం వచ్చిందంటే... స్ట్రీట్ డాగ్స్కి ఫుడ్ తీసుకెళ్తాడు. దాదాపు రెండేండ్లుగా స్ట్రీట్ డాగ్స్కి ఫుడ్ పెడుతున్న ఇతను ఒక సెలబ్రిటీ చెఫ్. ఐర్లాండ్కి చెందిన ఇతని పేరు నియల్ హర్బిసన్.
తన చేతి వంటతో కడుపునిండా తినేలా చేసే హర్బిసన్కి ఎవరైనా పస్తులుంటే నచ్చదు. జంతువులైనా సరే ఆకలితో అల్లాడుతుంటే తట్టుకోలేడు. వాటికి ఫుడ్ పెట్టి, ఆకలి తీర్చాకగానీ అతని మనసు నిమ్మలం కాదు. హర్బిసన్ 2018లో థాయిలాండ్లోని కోహ్ సమూయ్ దీవిలో సెటిల్ అయ్యాడు. కరోనా టైంలో అక్కడి స్ట్రీట్ డాగ్స్ ఆకలితో అల్లాడిపోవడం గమనించాడు హర్బ్సన్. టూరిస్ట్లు లేకపోవడం వల్ల కూడా వాటికి తిండి దొరకడం మరింత కష్టమైంది. దాంతో స్ట్రీట్డాగ్స్ ఆకలి తీర్చాలని డిసైడ్ అయ్యాడు హర్బ్సన్.
ప్రతి ఆదివారం ఉదయాన్నే లేచి.. స్ట్రీట్డాగ్స్కోసం మాంసంతో పాటు క్యారెట్, బ్రకోలి వంటి కూరగాయల వంటకాలు చేస్తాడు హర్బ్సన్. ఫుడ్ని చిన్న పేపర్ కప్స్లో వేసి, జీపు వెనకాల పెట్టుకుని వీధుల్లోకి వెళ్తాడు. స్ట్రీట్ డాగ్స్ కనిపించిన చోటల్లా జీపు ఆపి, వాటికి ఫుడ్ పెడతాడు. మరింత మందిని మోటివేట్ చేయడం కోసం సోషల్ మీడియాలో తన సర్వీస్ గురించి పోస్ట్లు పెడుతుంటాడు కూడా. ‘‘మొదట్లో ఒక కుక్కకి ఫుడ్ పెట్టాను. ఇప్పుడు 80కి పైగా కుక్కల ఆకలి తీరుస్తున్నా” అంటున్నాడు హర్బిసన్. వాటికి ఏదైనా జబ్బు చేసినా లేదా వ్యాక్సిన్ కోసం వెటర్నరీ డాక్టర్ దగ్గరికి తీసుకెళ్తాడు. అతడి సేవని ఆన్లైన్లో చాలామంది మెచ్చుకుంటున్నారు.