కరోనా ఆంక్షలున్న ప్రాంతాల్లో ప్రజలు డబ్బుల కోసం ఇబ్బంది పడకుండా కీలక నిర్ణయం తీసుకుంది ప్రముఖ దిగ్గజ బ్యాంక్ HDFC. దేశంలో కరోనా సెకండ్ వేవ్ వేగంగా వ్యాప్తిస్తుండడంతో..దేశంలో మళ్లీ లాక్ డౌన్ విధించనున్నట్లుగా గత కొన్ని రోజులుగా వార్తలు వస్తున్నాయి. ఈ క్రమంలోనే తమ కస్టమర్లకు ఎలాంటి అసౌకర్యాలు కలుగకూడదని.. HDFC బ్యాంక్ మొబైల్ ATMలను నిర్వహించేందుకు చర్యలు చేపట్టింది. దేశంలోని 19 నగరాల్లో ఈ మొబైల్ ఏటీఎంలను బ్యాంక్ ఏర్పాటు చేస్తోంది. హైదరాబాద్, విజయవాడ, ముంబై, చెన్నై ఢిల్లీతో పాటు పలు నగరాల్లో ఏర్పాటు చేస్తున్నారు. ఇవాళ్టి(శనివారం-24) నుంచి ATMలను ఏర్పాటు చేసినట్లు సంస్థ స్పష్టం చేసింది.స్థానిక సంస్థలతో చర్చించి మొబైల్ ఏటీఎంలు ఏ ఏ ప్రాంతాల్లో అందుబాటులో ఉంచాలో నిర్ణయం తీసుకోనుంది.
