హైటెక్ యుగంలో దాదాపు అందరూ కుర్చీలో కుర్చొని కంప్యూటర్పై పని చేస్తున్నారు. అస్తమాను కూర్చోవడం వలన భారం అంతా వెన్ను... నడుంపై పడి నొప్పి వేధిస్తూ ఉంటుంది. ఆఫీసుకు వెళ్లి పనిచేయక తప్పదు.. ఎంత నొప్పి ఉన్నా అలానే బాధపడుతూ వెళుతూ ఉంటారు. అయితే ఇలా బాధ పడేవారు ఇంట్లో ఉండే కొన్ని పదార్ధాలను ఉపయోగించి నడుం.. వెన్ను నొప్పి తగ్గించుకోవచ్చు. ఎలాంటి పదార్థాలతో వెన్నునొప్పి తగ్గుతుంది.. వాటిని ఎలా ఉపయోగించాలో తెలుసుకుందాం. . !
మారుతున్న జీవనశైలి.. ఆహారపు అలవాట్ల వల్ల.. నలుగురిలో ఇద్దరు కచ్చితంగా నడుం లేదా వెన్నునొప్పితో బాధపడుతున్నారు. ఈ నొప్పికి వయసుతోవని లేదు. అయితే నొప్పి కొద్దిగా ఉన్నప్పుడే... ఇంటి చిట్కాలతో నయం చేసుకోవచ్చు. చిన్నచిన్న వాటికి కూడా మందులపై ఆధారపడకుండా.. ఇంట్రోనే సైడ్ ఎఫెక్ట్స్ లేని కొన్ని చిట్కాలతో నొప్పిని నివారించోరు. అలాకాకుండా నొప్పి తీవ్రమైనప్పుడు డాక్టర్ని సంప్రదించాలి..
వెల్లుల్లి: ఇందులో ఉండే అల్లిసిన్ అనేపదార్థం వెన్ను నొప్పిని తగ్గించడంలో బాగా ఉపయోగపడుతుంది. అందుకే వెల్లుల్లి పెయిన్ కిల్లర్ లా పనిచేస్తుంది. ఖాళీ కడుపుతో ప్రతిరోజూ ఉదయాన్నే రెండు లేదా మూడు వెల్లుల్లి రెబ్బలను తినడం వల్ల నొప్పి తగ్గుతుంది. పచ్చిగా తినలేని వాళ్లు వంటల్లో వేసుకుని తినొచ్చు.
అల్లం: వంటింట్లో ఉండే బెస్ట్ మెడిసిన్ అల్లం. ఇది కూడా వెన్నునొప్పి ఉపశమనానికి సాయవడుతుంది. రోజూ చేసుకునే వంటలో కచ్చితంగా అల్లం ఉండేలా చూసుకోవాలి. అలా కుదరనప్పుడు ప్రతిరోజూ ఒకసారి అల్లం-టీ తాగినా సరిపోతుంది.
కొబ్బరి నూనె: ముడి కొబ్బరి నూనెలో యాంటీ ఇన్లఫ్లమేటరీ, అనాల్జిసిక్, యాంటీ పైరేటిక్ లక్షణాలు ఉంటాయి. కొబ్బరి నూనె అన్నిరకాల వెన్నునొప్పులను తగ్గిస్తుంది. కాబట్టి తక్షణ ఉపశమనం కోసం కొబ్బరి నూనెను అప్లై చేయాలి. పావు చెంచా కొబ్బరి నూనెను నొప్పి ఉన్న ప్రాంతంలో వేసి పది" నిమిషాలు మర్దనా చేయాలి. ఇలా రోజుకు -మూడుసార్లు చేస్తే మంచి ఫలితం ఉంటుంది..
పసుపు కలిపిన పాలు : వంటింట్లో అద్భుతమైన ఆరోగ్య లక్షణాలున్న పసుపు కూడా నడుం నొప్పిని తగ్గిస్తుంది. ఇందులో ఉండే కుర్క్యుమిన్ అనే పదార్థం ఇన్ ఫ్లమేషన్ తగ్గించడంలో సాయపడుతుంది. అదే విధంగాపాలలోని కాల్షియం, విటమిన్ –డి ఎముకలను బలంగా ఉంచడంలో తోడ్పడతాయి. రాత్రిళ్లు నిద్రపోయే ముందు పసుపు కలిపిన పాలు తాగడం అలవాటు. చేసుకుంటే మంచిది.
అలివ్ ఆయిల్: ముడి ఆలివ్ ఆయిల్లో నొప్పి ఉపశమనానికి సాయపడే ఓనియోకాంతల్ అనే పదార్ధం ఉంది. ఇది కూడా పెయిన్ కిల్లర్ గా పని చేస్తుంది. నొప్పిగా ఉన్న ప్రాంతంలో పావు చెంచా ఆలివ్ ఆయిల్ వేసి, పది నిమిషాలు మర్దనా చేయాలి. ఇలా రోజుకు రెండుసార్లు చేస్తే నొప్పి మెల్లి మెల్లిగా తగ్గుతుంది.
యోగా: యోగా శరీరానికి బలాన్ని అందిస్తూ ఎప్పుడూ ఫిట్గా ఉండేలా చేస్తోంది. ఇది వెన్ను నొప్పి నుంచి ఉపశమనం కలిగించడానికి బాగా ఉపయోగపడుతుంది. యోగాసనాల్లో వెన్నునొప్పికి కొన్ని ప్రత్యేక భంగిమలు ఉంటాయి. వాటిని రెగ్యులర్ గా చేయడం వల్ల మంచి ఫలితం ఉంటుంది.
డాక్టర్ చికిత్స: వెన్నునొప్పి తీవ్రంగాఉన్నప్పుడు శరీరం కుంగిపోతుంది. అలాంటప్పుడు కచ్చితంగా డాక్టర్ ని సంప్రదించాలి. అంతేకాదు ఇంటి చికిత్సలకు నొప్పి తగ్గనప్పుడు, చేతులు, కాళ్లు తిమ్మిర్లెక్కడం లేదా మొద్దుబారడం వంటి లక్షణాలు లక్షణాలు కనిపించినప్పుడు వెంటనే హాస్పిటల్కి వెళ్లాలి.
హాట్ అండ్ కోల్డ్ కంప్రెస్: వెన్ను బెణికినప్పుడు లేదా నొప్పిగా ఉన్నప్పుడు ఐస్ ప్యాక్ను పెట్టుకుంటే మంచి ఉపశమనం లభిస్తుంది. ఈ కోల్డ్ కంప్రెస్ వెన్ను నొప్పికి ఒక సంబింగ్ ఎఫెక్ట్ (స్పర్శలేకుండా) అందిస్తుంది. అలాగే హీటింగ్ ప్యాడ్ లేదా వేడినీళ్లు వంటి హాట్ కంప్రెస్ గట్టిపడిన లేదా బిగుసుకున్న కండరాలకు ఉపశమనాన్ని అందిస్తాయి. ఐస్ లేదా హాట్ప్యాక్ ఇరవై నిమిషాల కంటే ఎక్కువసేపు అప్లై చేయుద్దు. అలాగే నొప్పిని బట్టి రోజులో సాధ్యమైనన్నిసార్లు వేడి లేదా కోల్డ్ కంప్రెస్ అప్లై చేయాలి. ఇలా చేయడం వల్ల నొప్పి త్వరగా తగ్గిపోతుంది..
