ఆపిల్ ఐఫోన్ డ్యూయో కాదు.. ప్రపంచంలోనే అత్యంత కాస్ట్లీ ఫోన్స్ ఇవే.. కార్ల ధరకు స్మార్ట్‌ఫోన్లు..

ప్రపంచంలోనే అత్యంత ఖరీదైన స్మార్ట్‌ఫోన్‌ల లిస్ట్  పరిశీలిస్తే, ఆపిల్ కంపెనీ కొత్తగా విడుదల చేసిన లేటెస్ట్  ఫోల్డబుల్ ఫోన్ ఐఫోన్ డ్యూయో (iPhone Duo) మూడో స్థానంలో నిలిచింది. అయితే ఈసారి భారతదేశంలో ఆపిల్ ఫోన్ల ధరలలో పెద్ద మార్పు వచ్చింది. కంపెనీ   మొట్టమొదటి ఫోల్డబుల్ ఫోన్ 'ఐఫోన్ డ్యూయో'ను రూ. 2,99,900 ప్రారంభ ధరతో మార్కెట్లోకి తెచ్చింది. దీంతో ఆపిల్ అధికారికంగా విక్రయించిన అత్యంత ఖరీదైన ఫోన్‌గా ఐఫోన్ డ్యూయో  నిలిచింది. అలాగే ఐఫోన్ 18 ప్రో ధర రూ. 1,64,900 నుండి, ఐఫోన్ 18 ప్రో మాక్స్ ధర రూ. 1,79,900 నుండి ప్రారంభం కాగా...  ప్రపంచంలోని ఇతర లగ్జరీ ఫోన్ల ధరలతో పోలిస్తే ఈ ధరలు కాస్త  తక్కువేనని చెప్పవచ్చు. గత రెండేళ్లలో విడుదలైన ప్రపంచంలోనే అత్యంత ఖరీదైన ఫోన్లు, వాటి ర్యాంకింగ్‌ల వివరాలు ఇవే:

1. వెర్టూ ఆల్ఫాఫోల్డ్ (Vertu Alphafold)

 బ్రిటిష్ లగ్జరీ బ్రాండ్ వెర్టూ తెచ్చిన ఈ ఫోల్డబుల్ ఫోన్ హెర్మెస్ ఏజెంట్ AI సిస్టమ్‌తో పనిచేస్తుంది. దీని క్యాల్ఫ్‌స్కిన్-లెదర్ మోడల్ ధర రూ. 6.56 లక్షలు కాగా, అలిగేటర్-లెదర్ వెర్షన్ రూ. 9.38 లక్షలు,   గోల్డ్-అండ్-డైమండ్ ఎడిషన్ ధర ఏకంగా రూ. 36.47 లక్షలుగా ఉంది.

2. వెర్టూ ఐరన్ ఫ్లిప్ (Vertu Ironflip)

ఈ  వెర్టూ ఐరన్  ఫ్లిప్ ఫోన్ టైటానియం ఫ్రేమ్, 50MP కెమెరా, ఆండ్రాయిడ్, వెబ్3 ఆపరేటింగ్ సిస్టమ్‌ల సపోర్ట్‌తో వస్తుంది. దీని ప్రారంభ ధర రూ. 3,14,700.

3. ఆపిల్ ఐఫోన్ డ్యూయో (Apple iPhone Duo)
ఆపిల్   మొట్ట మొదటి ఫోల్డబుల్ ఐఫోన్ ఇది. లోపల 7.6-అంగుళాల డిస్‌ప్లే, పైన 5.4-అంగుళాల స్క్రీన్ ఉంటాయి. A20 ప్రో చిప్, టైటానియం ఫ్రేమ్, డ్యూయల్ కెమెరాలతో వచ్చే ఈ ఫోన్, ఆపిల్ చరిత్రలోనే అత్యంత ఖరీదైనదిగా నిలిచింది. దీని ప్రారంభ ధర రూ. 2,99,900

4. Huawei  మేట్ XT2 అల్టిమేట్ డిజైన్ 

చైనాలో విడుదలైన ఈ ట్రై-ఫోల్డ్ (మూడు మడతల) ఫోన్, ఓపెన్ చేసినప్పుడు 10.2-అంగుళాల టాబ్లెట్‌లా మారుతుంది. ఇది కిరిన్ 9050 ప్రో చిప్‌పై పనిచేస్తుంది. దీని ప్రారంభ ధర CNY 19,999 అంటే సుమారు రూ. 2,65,000.

5. శాంసంగ్ గెలాక్సీ జెడ్ ఫోల్డ్ 8 అల్ట్రా  

8-అంగుళాల ప్రైమరీ డిస్‌ప్లే, స్నాప్‌డ్రాగన్ 8 ఎలైట్ జెన్ 5 చిప్, 200MP ప్రైమరీ కెమెరాతో వచ్చే ఈ ఫోన్ టాప్-ఎండ్ (1TB) వేరియంట్ ధర రూ. 2,54,999 వరకు ఉంటుంది. దీని ప్రారంభ ధర రూ. 1,94,999. 

6. శాంసంగ్ గెలాక్సీ జెడ్ ఫోల్డ్ 8 

అల్ట్రా మోడల్ కంటే తక్కువ ధరలో, వెడల్పాటి కవర్ స్క్రీన్‌తో అందుబాటులోకి వచ్చిన స్టాండర్డ్ ఫోల్డబుల్ ఫోన్  శాంసంగ్ గెలాక్సీ జెడ్ ఫోల్డ్ 8. దీని ప్రారంభ ధర రూ. 1,74,999. 

7. ఆపిల్ ఐఫోన్ 18 ప్రో మాక్స్ 
ఆపిల్ ఐఫోన్ 18 ప్రో మాక్స్  2nm A20 ప్రో చిప్, 48MP వేరియబుల్-అపెర్చర్ కెమెరా, 2TB వరకు స్టోరేజ్ ఆప్షన్లతో ఈ ఫోన్ లభిస్తుంది. ప్రారంభ ధర రూ. 1,79,900.