టాలీవుడ్ మాస్ కా దాస్ విశ్వక్‌సేన్(Vishwak Sen) కు ప్రమాదం జరిగినట్టు తెలుస్తోంది. ప్రస్తుతం ఆయన గ్యాంగ్స్ ఆఫ్ గోదావరి(Gangs of Godavari) అనే సినిమాలో నటిస్తున్న విషయం తెలిసిందే. సినిమాలో ఓ యాక్షన్ సీన్ షూట్ చేస్తుండగా ప్రమాదవశాత్తు లారీ పైనుండి పడిపోయారు విశ్వక్ సేన్. ప్రస్తుతం ఈ ప్రమాదానికి సంబందించిన వీడియో సోషల్ మీడియాలో వైరల్ గా మారింది. అయితే ఈ ప్రమాదంలో విశ్వక్ సేన్ కు ఏమైనా గాయాలయ్యాయా? అనేది తెలియాల్సి ఉంది.
ఇక గ్యాంగ్స్ అఫ్ గోదావరి సినిమా విషయానికి వస్తే.. మాస్ అండ్ యాక్షన్ ఎంటర్టైనర్ గా వస్తున్న ఈ సినిమాను కృష్ణచైతన్య(Krishna Chaitanya) తెరకెక్కిస్తున్నారు. డీజే టిల్లు ఫేమ్ నేహశెట్టి(Neha Shetty) హీరోయిన్ గా నటిస్తున్న ఈ సినిమాలో అంజలి(Anjali) కీ రోల్ చేస్తున్నారు. షూటింగ్ దాదాపు కంప్లీట్ చేసుకున్న ఈ సినిమాకు తమిళ స్టార్ మ్యూజిక్ డైరెక్టర్ యువన్ శంకర్ రాజా(Yuvan Shankar Raja) సంగీతం అందిస్తుండగా.. వచ్చే ఏడాది ప్రేక్షకుల ముందుకు రానుంది ఈ సినిమా.
Also Read :- చేసిందేమీ లేదు.. అంతా సున్నా.. ప్రకాష్ రాజ్ షాకింగ్ కామెంట్స్
