- సూచించిన కాంగ్రెస్ హైకమాండ్
- కర్నాటకలో ముదురుతున్న సీఎం మార్పు పంచాయితీ.. డీకేతో ఉన్న ఫొటో షేర్ చేసిన సిద్ధరామయ్య
- శనివారం బ్రేక్ఫాస్ట్ మీటింగ్కు రావాలని డీకేకు ఆహ్వానం
బెంగళూరు: కర్నాటకలో ముఖ్యమంత్రి మార్పుపై ఊహాగానాలు కొనసాగుతున్నాయి. రాష్ట్రంలో కాంగ్రెస్ ప్రభుత్వం ఏర్పడి నవంబరు 20వ తేదీతో రెండున్నరేళ్లు పూర్తయ్యాయి. దీంతో సీఎం సిద్ధరామయ్య, డిప్యూటీ సీఎం డీకే శివకుమార్ మధ్య అధికార మార్పిడి పంచాయితీ మరింత ముదిరింది. 2023 అసెంబ్లీ ఎన్నికల ఫలితాల తర్వాత ప్రభుత్వ ఏర్పాటు సమయంలో రెండున్నరేళ్ల తర్వాత సీఎం పదవి మార్చుకుందామని ఒప్పందం జరిగిందని శివకుమార్ అనుచరులు చెబుతున్నారు.
సిద్ధరామయ్య మాత్రం పూర్తి ఐదేండ్లు తానే పాలిస్తానని స్పష్టం చేశారు. దీంతో డీకే వర్గం అధికార మార్పిడి జరగాల్సిందే అని పట్టుబడుతున్నది. ఈ నేపథ్యంలో కాంగ్రెస్ హైకమాండ్ జోక్యం చేసుకొని ఇద్దరు నేతలను కలిసి చర్చించుకొని సమస్యను పరిష్కారించుకోవాలని ఆదేశించింది. దీంతో శనివారం ఉదయం బ్రేక్ఫాస్ట్ మీటింగ్కు రావాలని డీకేను సిద్ధరామయ్య ఆహ్వానించారు. అంతకుముందు పార్టీలో ఐక్యత చాటడానికి ఇద్దరూ నేతలు గురువారం బెంగళూరు ప్యాలెస్ గ్రౌండ్స్‌‌‌‌‌‌‌‌లో ఒకే వేదికపై కనిపించారు. అంగన్వాడీ కార్మికుల 50 ఏళ్ల వేడుకల్లో పాల్గొన్నారు. గృహలక్ష్మీ సహకార యాప్‌‌‌‌‌‌‌‌ను రిలీజ్చేశారు. అయితే ఈ సందర్భంగా డీకే శివకుమార్ మాట్లాడుతూ సోనియా గాంధీ త్యాగాన్ని గుర్తు చేయడం చర్చకు దారితీసింది. “2004లో యూపీఏ గెలిచినప్పుడు సోనియా గాంధీ ప్రధాని పదవిని త్యాగం చేశారు. మన్మోహన్ సింగ్‌‌‌‌‌‌‌‌ను ఎన్నుకున్నారు. పార్టీ కోసం త్యాగం చేయడమే కాంగ్రెస్ సంస్కృతి” అని ఆయన అన్నారు.
