మంచిర్యాల, వెలుగు: మంచిర్యాల జిల్లా వాసి రాపోలు విష్ణువర్ధన్ రావుకు హోప్ థియోలాజికల్ యూనివర్సిటీ గౌరవ డాక్టరేట్ అందించింది. హైదరాబాద్లోని కళా మారుతి వేదికలో బుధవారం సాయంత్రం ప్రదానం చేశారు. గణిత అధ్యాపకునిగా జీవితం ప్రారంభించి విష్ణువర్ధన్ రావు 2003లో ఓ ప్రైవేట్ కాలేజీ స్థాపించారు. 2011 నుంచి రివిలేషన్ స్కూల్ను నడిపిస్తూ, 2024లో గుడిపేటలో రివిలేషన్ ఫ్యూచర్ మైండ్స్ స్కూల్ను నెలకొల్పారు.
రాష్ట్ర ప్రైవేట్ జూనియర్ కాలేజీల యాజమాన్యాల సంఘం(టీపీజేఎంఏ) జిల్లా అధ్యక్షుడిగా, మంచిర్యాల జిల్లా తెలంగాణ ప్రైవేట్ స్కూళ్ల యాజమాన్యాల సంఘం(ట్రాస్మా) జిల్లా అధ్యక్షుడిగా ఎన్నో సేవలందించారు.
కలమడుగు వాసికి..
జన్నారం,వెలుగు: జన్నారం మండలం కలమడుగుకు చెందిన యాదగిరి శేఖర్ రావుకు డాక్టరేట్ దక్కింది.శేఖర్ రావు గతంలో ట్రస్మా స్టేట్ ప్రెసిడెంట్ గా పనిచేసి ప్రస్తుతం ఆ సంఘం గౌరవ అధ్యక్షులుగా కొనసాగుతున్నారు. ట్రస్ట్ను స్థాపించి నిరుపేదలకు సేవా కార్యక్రమాలు చేపడుతున్నారు. సామాజిక సేవలకు గుర్తింపుగా డాక్టరేట్ అందుకున్నారు
