హైదరాబాద్, వెలుగు: నగరానికి చెందిన ఐటీ స్టాఫింగ్, సాఫ్ట్వేర్డెవెలప్మెంట్ కంపెనీ మారోలిక్స్‘హాస్పియోల్’ పేరుతో హాస్పిటల్ మేనేజ్‌‌మెంట్ సిస్టమ్ సాఫ్ట్‌‌వేర్ను లాంచ్ చేసింది. దీని ద్వారా హాస్పిటళ్లకు, రోగికి అవసరమైన వివరాలు ఎప్పుడూ ఆన్లైన్లో అందుబాటులో ఉంటాయి. మెడికల్ రికార్డుల ట్రాకింగ్, అపాయింట్‌‌మెంట్ల షెడ్యూలింగ్, బిల్లింగ్, ఇన్సూరెన్స్ వంటి 23 మాడ్యూల్స్ ఇందులో ఉంటాయి.
హాస్పిటళ్లు తమ అవసరాలను బట్టి మాడ్యూళ్లను తీసుకోవచ్చని మారోలిక్స్ తెలిపింది. ప్రతి కస్టమర్ అవసరాలకు, ప్రాధాన్యతలకు అనుగుణంగా సాఫ్ట్వేర్లో ఫీచర్లను చేర్చామని ప్రకటించింది. ఈ సందర్భంగా సంస్థ బిజినెస్ డెవలప్‌‌మెంట్ మేనేజర్ అభిలాష్ మాట్లాడుతూ, రోగి ఆసుపత్రిలో చేరినప్పటి నుండి డిశ్చార్జ్ అయ్యే వరకు ఆసుపత్రులకు హాస్పియోల్ పూర్తిస్థాయి హెల్త్కేర్ సేవలను అందిస్తుందని చెప్పారు.
‘‘మా హెల్త్కేర్ సొల్యూషన్ ప్రత్యేక లక్షణం ఏమిటంటే, మేం రోగికి లాగిన్ కూడా ఇస్తాం. ఈ ఫీచర్‌‌తో, రోగి లాగిన్ అయి మెడికల్ రికార్డ్‌‌ను ట్రాక్ చేయవచ్చు. బాధితుడు వేరే ఊళ్లో ఉన్నప్పుడు అక్కడి డాక్టర్ను సంప్రదించవచ్చు. అప్పుడే తన మెడికల్ రికార్డులను చూపెట్టవచ్చు. ఇప్పటికే తనను చూస్తున్న డాక్టర్ను కన్సల్ట్ కావడానికి హాస్పియోల్లో లాగిన్ కావాలి”అని ఆయన వివరించారు.
