- అండర్19 ఆసియా కప్‌ టోర్నీకి ఎంపిక
- కెప్టెన్గా ఆయుష్ మాత్రే
న్యూఢిల్లీ: డొమెస్టిక్ క్రికెట్‌‌‌‌లో సత్తా చాటుతున్న హైదరాబాద్ యంగ్‌‌‌‌స్టర్ ఆరోన్ జార్జ్ ప్రతిభకు గుర్తింపు లభించింది. ఇటీవల వినూ మన్కడ్ ట్రోఫీలో కెప్టెన్గా హైదరాబాద్‌ను గెలిపించిన ఆరోన్ అండర్19 ఆసియా కప్‌- టోర్నమెంట్‌‌‌‌లో పాల్గొనే ఇండియా టీమ్‌‌‌‌కు ఎంపికయ్యాడు. దుబాయ్‌‌‌‌లో డిసెంబర్ 12 నుంచి 22 వరకు జరిగే ఈ టోర్నీ కోసం బీసీసీఐ 15 మందితో కూడిన జట్టును శుక్రవారం ప్రకటించింది. ఈ టీమ్‌‌‌‌కు యంగ్ బ్యాటర్ ఆయుష్ మాత్రే కెప్టెన్గా ఎంపికయ్యాడు. విహాన్ మల్హోత్రా వైస్ కెప్టెన్గా వ్యవహరిస్తాడు. ఈ టీమ్‌‌‌‌లో 14 ఏండ్ల వైభవ్ సూర్యవంశీ ప్రధాన ఆకర్షణగా నిలవనున్నాడు. ఇటీవల రైజింగ్ స్టార్స్ ఆసియా కప్‌‌‌‌లో యూఏఈపై అతను 32 బాల్స్‌‌‌‌లోనే సెంచరీ చేసి సంచలనం సృష్టించాడు.
50 ఓవర్ల ఫార్మాట్‌‌‌‌లో జరిగే ఈ కాంటినెంటల్ ఈవెంట్ వచ్చే ఏడాది జరిగే అండర్ 19 వరల్డ్‌ కప్‌‌‌‌నకు సన్నాహక వేదికగా భావిస్తున్నారు. ఇండియా కుర్రాళ్లు క్వాలిఫయింగ్ టీమ్‌‌‌‌తో డిసెంబర్ 12న తమ పోరు ఆరంభిస్తారు. 14న చిరకాల ప్రత్యర్థి పాకిస్తాన్‌‌‌‌ను ఢీకొడతారు. 16న మరో క్వాలిఫయింగ్ టీమ్‌‌‌‌తో ఇండియా పోటీ పడనుంది. సెమీ-ఫైనల్స్ 19న, ఫైనల్ 21న షెడ్యూల్ చేశారు. ఇండియా అండర్–19 టీమ్‌: ఆయుష్ మాత్రే (కెప్టెన్), విహాన్ మల్హోత్రా (వైస్-కెప్టెన్), వైభవ్ సూర్యవంశీ, వేదాంత్ త్రివేది, అభిజ్ఞాన్ కుండు ( కీపర్), హర్వన్ష్ సింగ్ ( కీపర్), యువరాజ్ గోహిల్, కనిష్క్ చౌహాన్, ఖిలాన్, నమన్ పుష్పక్, దీపేష్, హెనిల్ పటేల్, కిషన్ కుమార్ , ఉధవ్ మోహన్, ఆరోన్ జార్జ్. స్టాండ్‌‌‌‌బై : రాహుల్ కుమార్, హేమచుదేశన్ జె,
బి.కె. కిషోర్, ఆదిత్య రావత్.
