యాదాద్రి, వెలుగు : ఆలేరు మున్సిపాలిటీని పూర్తి స్థాయిలో అభివృద్ధి చేయడానికి సహకరిస్తానని ప్రభుత్వ విప్, ఆలేరు ఎమ్మెల్యే బీర్ల అయిలయ్య తెలిపారు. చైర్పర్సన్ బాలమణి అధ్యక్షతన జరిగిన 2026-27 బడ్జెట్ ప్రిపరేషన్ స్పెషల్ మీటింగ్లో ఆదాయం, కేటాయింపులపై చర్చ జరిగింది. అనంతరం ఆయన మాట్లాడారు. రోడ్లు, డ్రైనేజీ, స్ట్రీట్ లైట్స్ లాంటి ప్రాథమిక సదుపాయాల మెరుగుదలకు ప్రత్యేక దృష్టి పెట్టాలన్నారు. ఎండాకాలం సమీపిస్తున్నందున తాగునీటి సమస్య తలెత్తకుండా చూడాలని సూచించారు.
