బిడ్డకు జన్మనివ్వడం ఓ వరమని.. అయితే అది అందరికీ ఒకేలా ఉండదని నటి కాజల్ అగర్వాల్(Kajal Agarwal) తెలిపింది. చాలా మంది తల్లులలానే తాను కూడా ప్రసవం అనంతరం పోస్ట్ పార్టమ్ డిప్రెషన్ను ఎదుర్కొన్నట్టు పేర్కొంది. తనను అలా చూసి భర్త గౌతమ్(Goutham kichlu) చాలా బాధపడ్డట్టు తెలిపింది. కుటుంబ సభ్యులు, స్నేహితుల వల్ల చాలా తొందరగా అందులోంచి బయటపడ్డానని కాజల్ వివరించింది.
ఇక ప్రతి మహిళ కూడా తల్లయ్యాక వ్యాయామానికి ఎక్కువ ప్రాధాన్యం ఇవ్వాలని తెలిపింది. ట్రైనర్ సాయంతో వర్కవుట్స్ చేయడం, ఇష్టమైన వ్యక్తులతో టైం స్పెండ్ చేయడం వంటివి ఎంతో అవసరమని సూచించింది. ఇక కుటుంబ సభ్యులు కూడా వారికి అండగా నిలవాలని కోరింది. కాజల్ ప్రస్తుతం ‘ఇండియన్ 2(Indian2)’ షూటింగ్లో బిజీగా ఉంది. సత్యభామ(Sathyabhaama) అనే మరో లేడీ ఓరియెంటెడ్ సినిమాలోనూ నటిస్తోంది.
