శ్రద్ధ వాకర్ కేసులో సంచలన విషయాలు

నోరు నొక్కి.. చెస్ట్పై కూర్చొని పీక కోశానన్న హంతకుడు
నిందితుడి ముఖంలో పశ్చాత్తాపం కనిపించలేదన్న ఢిల్లీ పోలీసులు
ఫ్రిజ్లో పెట్టిన శ్రద్ధ ముఖాన్ని రోజూ చూసేవాడని వెల్లడి
ఎలా తప్పించుకోవాలో గూగుల్లో వెతికిండు
రూమ్ను రసాయనాలతో కడిగిండన్న అధికారులు

న్యూఢిల్లీ : దేశవ్యాప్తంగా సంచలనం సృష్టించిన శ్రద్ధ వాకర్ హత్య కేసులో దారుణమైన విషయాలు బయటపడుతున్నాయి. శ్రద్ధను చంపేసిన వివరాలను అఫ్తాబ్ విచారణలో వెల్లడించినట్లు పోలీసులు తెలిపారు. ఆ వివరాలు చెబుతున్నపుడు కానీ ఆ తర్వాత కానీ అఫ్తాబ్ ముఖంలో పశ్చాత్తాపం కనిపించలేదని వివరించారు. తనకు హిందీ రాదంటూ.. మర్డర్ చేసిన తీరును ఇంగ్లీష్లోనే చెప్పాడన్నారు. విచారణలో శ్రద్ధను తనే చంపినట్లు అఫ్తాబ్ అంగీకరించాడు. మే 18న శ్రద్ధను కిందపడేసి, నోరు నొక్కి చెస్ట్పై కూర్చొని గొంతుకోశానని వెల్లడించాడు. ఆ తర్వాత డెడ్ బాడీని బాత్రూమ్లోకి తీసుకెళ్లి దాచాడని పోలీసులు చెప్పారు. డెడ్ బాడీని ఎలా మాయం చేయాలని గూగుల్లో వెతికాడని వివరించారు. డీఎన్ఏ శాంపిల్స్ దొరకకుండా జాగ్రత్తలు తీసుకున్నాడని, బెడ్ రూమ్లో పడిన రక్తపు మరకలను తొలగించేందుకు రసాయనాలను ఉపయోగించి శుభ్రం చేశాడని పేర్కొన్నారు. అపార్ట్మెంట్దగ్గర్లోని షాప్ నుంచి ఫ్రిజ్, రంపం, గార్బేజ్ బ్యాగులు కొన్నాడని పోలీసులు వివరించారు.

అఫ్తాబ్ను ఉరి తీయాలి : శ్రద్ధ తండ్రి

లవ్‌‌‌‌‌‌‌‌ జిహాద్ పేరుతో నా కూతురిని హింసించి చంపిన అఫ్తాబ్ ను ఉరితీయాలని శ్రద్ధ తండ్రి డిమాండ్ చేశారు. ఢిల్లీ పోలీసులపై తనకు నమ్మకం ఉందన్నారు. నిందితుడికి శిక్ష పడేలా చూస్తారని ఆశిస్తున్నట్లు వివరించారు. అఫ్తాబ్తో బంధం వద్దన్నందుకు శ్రద్ధ తనతో ఎక్కువ మాట్లేడేదికాదని శ్రద్ధ తండ్రి వికాస్ వాకర్ కన్నీటి పర్యంతమయ్యాడు. ముంబైలో ఉన్నప్పుడు అఫ్తాబ్ తనను కొడుతున్నాడని శ్రద్ధ తనతో చెప్పుకుని ఏడ్చిందని ఆమె దోస్తు చెప్పింది. ఈ కేసును లవ్ జిహాద్ కోణంలో దర్యాప్తు చేయాలని ఢిల్లీ పోలీసులకు ముంబై ఎమ్మెల్యే రాంకదమ్ లెటర్ రాశారు.

పరారీలో అఫ్తాబ్ ఫ్యామిలీ

ముంబై సమీపంలోని వసాయ్లో 20 ఏండ్లుగా ఉంటున్న అఫ్తాబ్ ఫ్యామిలీ సుమారు 15 రోజుల క్రితమే ఫ్లాట్ ఖాళీచేసి వెళ్లిపోయింది. వాళ్లు ఫ్లాట్ ఖాళీ చేసే సమయంలో అఫ్తాబ్ కూడా అక్కడే ఉన్నాడని చుట్టుపక్కల వాళ్లు తెలిపారు. ఆ సమయంలో అఫ్తాబ్ నార్మల్ గానే కనిపించాడని, ఎలాంటి కంగారు కానీ, భయాందోళన కానీ మనిషిలో కనిపించలేదని స్పష్టం చేశారు. దీంతో ప్లాన్ ప్రకారమే వారిని అఫ్తాబ్ తరలించాడని పోలీసులు అభిప్రాయపడుతున్నారు. అఫ్తాబ్ ఇంటికి తరచుగా శ్రద్ధ కూడా వస్తుండేదని, అఫ్తాబ్ ఇక్కడే పుట్టి పెరిగాడని పక్కింటి వాళ్లు చెప్పారు. ఎందుకు ఖాళీ చేస్తున్నారని అడిగితే.. చిన్న కొడుకుకు ముంబైలో ఉద్యోగం రావడంతో అందరమూ అక్కడికే షిఫ్ట్
అవుతున్నట్లు చెప్పారన్నారు.

మెహ్రౌలీ పోలిస్ స్టేషన్లో నిందితుడు

సౌత్‌‌‌‌‌‌‌‌ ఢిల్లీలోని మెహ్రౌలీ స్టేషన్లో అఫ్తాబ్ను పోలీసులు విచారిస్తున్నారు. అఫ్తాబ్ హిస్టరీ ఇవ్వాల్సిందిగా డేటింగ్ యాప్ ఆఫీస్కు లేఖ రాశారు. సీబీఐ ఫోరెన్సిక్ టీమ్ నిందితుడు అఫ్తాబ్ను మంగళవారం మెహ్రౌలీ ఫారెస్ట్ ఏరియాకు తీసుకెళ్లారు. అక్కడ వెతకగా 13 శరీర భాగాలు దొరికాయి. వాటిని ఫోరెన్సిక్ పరీక్షకు పంపించారు. అయితే మర్డర్కు ఉపయోగించిన కత్తి ఇంకా దొరకలేదు. ‘‘అఫ్తాబ్ ఎవరితో మాట్లాడేవాడు కాదు. వాళ్ల ఫ్లాట్లో తరచూ పార్టీలు జరిగేవి. 2-3వారాల కింద కూడా చాలా మంది అమ్మాయిలు వచ్చారు”అని పక్కింటోళ్లు పోలీసులకు చెప్పారు.

గార్బేజ్ వ్యాన్లో శ్రద్ధ బట్టలు..

రక్తంతో తడిసిన శ్రద్ధ బట్టలను అఫ్తాబ్ గార్బేజ్ వ్యాన్లో పడేశాడని పోలీసులు చెప్పారు. రంపంతో డెడ్బాడీని ముక్కలుగా నరికి ఫ్రిజ్లో పెట్టాడన్నారు. ప్రతిరోజూ ఫ్రిజ్ తెరిచి శ్రద్ధ ముఖాన్ని చూసుకునే వాడని, అదే ఫ్రిజ్లో తను తినే తిండి కూడా పెట్టేవాడని తెలిపారు. హత్య చేసిన రూమ్లోనే రోజూ పడుకున్నాడని వివరించారు. శ్రద్ధను చంపేసిన పది పదిహేను రోజుల్లోనే డేటింగ్ యాప్లో మరో అమ్మాయితో అఫ్తాబ్ పరిచయం పెంచుకుని, ఫ్లాట్కు తెచ్చుకున్నాడని పేర్కొన్నారు. అనుమానం రాకుండా శ్రద్ధ ఇన్స్టాను అఫ్తాబ్ కొన్ని రోజులు మెయింటెన్ చేశాడు. ముంబై వెళ్లి శ్రద్ధ ఫోన్ను పడేశాడు.