లండన్ వీధుల్లో 700 మంది.. నాటు నాటు పాటకు దుమ్ములేపేశారు

దర్శకధీరుడు రాజమౌళి, యంగ్ టైగర్ ఎన్టీఆర్ (NTR), మెగాపవర్ స్టార్ రామ్ చరణ్ (Ram Charan)కాంబోలో వచ్చిన RRR మూవీ.. ఎంతటి ఘన విజయం సాధించిందో ప్రత్యేకంగా చెప్పాల్సిన పనిలేదు. ప్రపంచవ్యాప్తంగా ఆస్కార్ వంటి ఎన్నో ప్రతిష్టాత్మక అవార్డులను కూడా అందుకుంది ఈ సినిమా. ఇక ఈ సినిమాలోని ‘నాటు నాటు’ సాంగ్ ప్రపంచం మొత్తాన్ని ఒక ఊపు ఊపేసింది.

ALSO READ :డైరెక్టర్ సముద్రఖని..తిరిగి తన ప్రపంచానికి.. ఎక్కడికో తెలుసా?

ఈ సినిమా రిలీజై ఏడాది పూర్తవుతున్నా.. నాటు నాటు పాటకున్న క్రేజ్ మాత్రం అస్సలు తగ్గడం లేదు. తాజాగా లండన్‌ వీధుల్లో 700 మంది ఈ పాటకు డాన్స్ వేసి అదరగొట్టేశారు. ఆగష్టు 7న జాతీయ చేనేత దినోత్సవం నేపధ్యంలో అక్కడి మహిళలంతా చీరల్లో నాటు నాటు పాటకి కాలు కదిపి కుమ్మేశారు. లండన్‌ లోని 10 డౌనింగ్ స్ట్రీట్ లో జరిగిన ఈ ప్రదర్శన సంబంధించిన వీడియోలు ప్రస్తుతం నెట్టింట ఫుల్ వైరల్ అవుతున్నాయి.