- మొదటి ప్లేసులో అమెరికా రెండోస్థానంలో చైనా
న్యూఢిల్లీ: గ్లోబల్ యూనికార్న్‌‌‌‌ల జాబితాలో భారతదేశం మూడవ స్థానంలో ఉంది. అయితే యూఎస్ (703), చైనా (340) కంటే చాలా వెనుకబడి ఉంది. ది హురున్ రీసెర్చ్ ఇన్స్టిట్యూట్ నివేదిక ప్రకారం, భారతదేశంలో మొత్తం 67 యూనికార్న్లు ఉన్నాయి. 2023లో ఈ చార్ట్ నుంచి బైజూస్, ఫార్మ్ ఈజీ బయటకు వచ్చాయి. గత ఏడాదిలో ప్రతి రెండు రోజులకు ఒక యూనికార్న్ ఏర్పడింది. ప్రపంచంలో మొత్తం 1,453 యూనికార్న్లు ఉన్నాయి. బిలియన్ డాలర్ల కంటే ఎక్కువ వాల్యుయేషన్ ఉన్న స్టార్టప్ను యూనికార్న్అంటారు.
అత్యంత విలువైన యూనికార్న్ ఏది?
టిక్టాక్ యజమాని బైట్డ్యాన్స్220 బిలియన్ల డాలర్ల వాల్యుయేషన్తో ప్రపంచంలోనే అత్యంత విలువైన యూనికార్న్గా ఎదిగింది. ప్రపంచంలోని యూనికార్న్‌‌‌‌ల మొత్తం విలువ 5 ట్రిలియన్ల డాలర్లకు చేరుకుంది. ఇది జపాన్ జీడీపీకి సమానం. ఓపెన్ఏఐ సాయంతో ఈ యూనికార్న్ వాల్యుయేషన్ వేగంగా పెరుగుతోంది. ఏఐతో దీని విలువ 80 బిలియన్ డాలర్లు పెరిగింది. మరో యూనికార్న్ స్పేస్ఎక్స్ వాల్యుయేషన్ను 43 బిలియన్ డాలర్లు పెంచుకుంది.
ఇండియాలో పరిస్థితి ఎలా ఉందంటే...
హురున్ ఇండియా ప్రధాన పరిశోధకుడు అనాస్ రెహమాన్ జునైద్ మాట్లాడుతూ, “ఇటీవలి స్టాక్ మార్కెట్లు బాగా లాభపడ్డాయి. గరిష్ఠ స్థాయిలకు చేరుకున్నప్పటికీ, స్టార్టప్లలో పెట్టుబడులు లేకపోవడంతో భారతదేశం స్టార్ట్-అప్ పర్యావరణ వ్యవస్థ మందగించింది. భారతదేశం నుంచి వ్యవస్థాపకులు ఇతర దేశాల కంటే ఎక్కువ ఆఫ్‌‌‌‌షోర్ యూనికార్న్‌‌‌‌లను నిర్మించారు. భారతదేశంలో 67 యూనికార్న్‌‌‌‌లతో పోలిస్తే భారతదేశం వెలుపల 109 యూనికార్న్‌‌‌‌లను స్థాపించారు”అని ఆయన వివరించారు. భారతదేశం వెలుపల ఏర్పాటైన యూనికార్న్‌‌‌‌లలో ఎక్కువగా అమెరికాలో ఉన్నాయి. ఇలా దాదాపు 95 ఏర్పాటయ్యాయి. భారతదేశంలో మొట్టమొదటి ఏఐ యూనికార్న్ అయిన క్రుట్రిమ్ చురుగ్గా కదులుతోంది. ఇప్పటికీ, యూఎస్, చైనాతో పోల్చినప్పుడు మన యూనికార్న్లు బలహీనంగానే ఉన్నాయని హురున్ పేర్కొంది.
గత రెండేళ్లలో యూనికార్న్గా మారిన ఇండియా స్టార్టప్లు(టాప్-10)
సంస్థ పేరు రంగం
పెర్ఫియోస్ సాస్, ఫిన్టెక్
క్రుట్రిమ్ రీసెర్చ్ సర్వీసెస్, ఏఐ
జెప్టో క్విక్ కామర్స్
మోల్బియో హెల్త్‌‌టెక్, మెడ్‌‌టెక్
టాటా 1ఎంజీ హెల్త్‌‌టెక్
షిప్రాకెట్ లాజిస్టిక్స్
5ఐఆర్ఈ ఫిన్టెక్
వన్కార్డ్ ఫిన్టెక్
ఫిజిక్స్ వాలా ఎడ్టెక్
లీడ్ స్క్వేర్డ్ సాస్, సీఆర్ఏం
