మ. 1.30 నుంచి స్టార్ స్పోర్ట్స్లో
కోల్కతా: ఓవైపు వన్డే వరల్డ్కప్ ప్రిపరేషన్స్.. మరోవైపు ఫామ్లోకి వచ్చిన సీనియర్లు.. ఈ నేపథ్యంలో టీమిండియా.. శ్రీలంకతో రెండో మ్యాచ్కు సిద్ధమైంది. గురువారం ఈడెన్ గార్డెన్స్లో జరిగే ఈ మ్యాచ్లోనే లంకేయులను పడగొట్టి సిరీస్ను కైవసం చేసుకోవాలని ఇండియా టార్గెట్గా పెట్టుకుంది. సరిగ్గా ఎనిమిదేళ్ల కిందట ఇదే గ్రౌండ్లో వరల్డ్ రికార్డు స్కోరు (264)తో చెలరేగిపోయిన హిట్మ్యాన్ రోహిత్ శర్మపై అందరి దృష్టి నెలకొనగా, కింగ్ కోహ్లీ మరో సెంచరీతో సత్తా చాటాలని ఫ్యాన్స్ ఆశిస్తున్నారు. ఈ మ్యాచ్ కోసం ఇండియా ఫైనల్ ఎలెవన్లో మార్పులు జరిగే అవకాశం కనిపించడం లేదు. రోహిత్కు తోడుగా గిల్ ఓపెనింగ్ చేయనున్నాడు. హిట్మ్యాన్కు ఈడెన్ అచ్చొచ్చిన పిచ్ కావడంతో మరో భారీ స్కోరుపై కన్నేశాడు.
బ్యాకప్ ఓపెనర్గా గిల్ తనను తాను నిరూపించుకోవాలని చూస్తున్నాడు. ఈ ఇద్దరికి తోడు కింగ్ కోహ్లీ ఫామ్లో ఉండటం ప్లస్ పాయింట్. అయితే శ్రేయస్ అయ్యర్తొలి వన్డేలో నిరాశ పరచడం ఒక్కటే ఆందోళన కలిగించింది. ఒకవేళ అతన్ని తప్పించి రాహుల్ను నాలుగో నంబర్లో ఆడిస్తే కీపర్గా ఇషాన్ కిషన్ టీమ్లోకి రావొచ్చు. కానీ ఒక్క మ్యాచ్కే శ్రేయస్ను తప్పిస్తారా? చూడాలి. ఆల్రౌండర్ హార్దిక్ పాండ్యా కూడా ఫామ్ అందుకోవాల్సిన అవసరం ఉంది. మరోవైపు తొలి మ్యాచ్లో బౌలింగ్లో తేలిపోయిన లంక ఈడెన్లో ఎలాగైనా గెలిచి సిరీస్ రేసులో నిలవాలని ఆశిస్తోంది. కెప్టెన్ షనకపై ఎక్కువగా ఆధారపడుతున్న లంక ముందుకెళ్లాలంటే ఇతర ప్లేయర్లూ బాధ్యతగా ఆడాల్సిన అవసరం ఉంది. తొలి వన్డేలో భుజానికి గాయమైన బౌలర్ దిల్షాన్ మదుషనక అందుబాటులో ఉంటాడో లేదో చూడాలి.
